మేం ఎప్పటికీ ఫ్రెండ్స్ కాదు.. మౌనం వీడిన సైనా..!
భారతీయ బ్యాడ్మింటన్ లెజెండ్ సైనా నెహ్వాల్ తన ఇన్స్టాగ్రామ్లో నటి పరిణీతి చోప్రాను అన్ఫాలో చేయడంపై ఇటీవల జరిగిన ఆన్లైన్ చర్చకు సమాధానం దొరికింది.
By - Medi Samrat
భారతీయ బ్యాడ్మింటన్ లెజెండ్ సైనా నెహ్వాల్ తన ఇన్స్టాగ్రామ్లో నటి పరిణీతి చోప్రాను అన్ఫాలో చేయడంపై ఇటీవల జరిగిన ఆన్లైన్ చర్చకు సమాధానం దొరికింది. ఈ అంశంపై సోషల్ మీడియాలో ఇద్దరి మధ్య విభేదాలపై ఊహాగానాలు వేడెక్కాయి.
సైనా ఇన్స్టాగ్రామ్లో పరిణీతిని ఫాలో అవుతుండగా.. సైనా బయోపిక్లో పనిచేసిన నటి ఆమెను ఫాలో అవడం లేదని, దీని కారణంగా కొంతమంది అభిమానులు ఇద్దరి మధ్య ఏదైనా గొడవ ఉందా అనే ప్రశ్నను లేవనెత్తారు.
యూట్యూబర్ సుభోజిత్ ఘోష్కి ఇచ్చిన ఇంటర్వ్యూలో సైనా ఫాలో-అన్ఫాలో ఇష్యూ గురించి తనకు చెప్పే వరకు కూడా పట్టించుకోలేదని స్పష్టం చేసింది. శిక్షణ, టోర్నమెంట్లు, ఈవెంట్లతో కూడిన బిజీ షెడ్యూల్ వల్ల ఇలాంటి చిన్న చిన్న విషయాలపై శ్రద్ధ పెట్టే సమయం లేదని చెప్పింది.
సైనా మాట్లాడుతూ 'వాస్తవానికి, నేను దానిపై దృష్టి పెట్టలేదు. ఎప్పుడూ పట్టించుకోలేదు. ఎందుకంటే నేను నా శిక్షణ, టోర్నమెంట్లతో చాలా బిజీగా ఉన్నాను, నేను ఈ విషయంపై దృష్టి పెట్టలేదు. ఏం మాట్లాడుకున్నా.. మేం ఎప్పటికీ ఫ్రెండ్స్ కాదు.. తనకు, పరిణీతికి మధ్య ఎలాంటి వ్యక్తిగత సమస్య లేదని స్పష్టం చేసింది.
అమోల్ గుప్తే దర్శకత్వం వహించిన ఈ చిత్రంలో హైదరాబాద్కు చెందిన ఓ అమ్మాయి ప్రపంచ నంబర్ 1 షట్లర్ వరకు అలాగే ఒలింపిక్ పతక విజేతగా మారడానికి ఆమె చేసిన ప్రయాణం చూపబడింది. సైనా పాత్రలో పరిణీతి నటన విమర్శకులు, ప్రేక్షకుల ప్రశంసలు పొందింది. ప్రస్తుతానికి సైనా, పరిణీతి ఇన్స్టాగ్రామ్లో ఒకరినొకరు ఫాలో అవడం లేదు..ఈ విషయాన్ని సైనా తన ప్రకటనలో ధృవీకరించింది.
