E Sala Cup Naam De.. అంతా ఆర్సీబీకే అనుకూలం.. ఒక్క‌సారి ఐపీఎల్ చరిత్రను పరిశీలిస్తే..
ఐపీఎల్‌లో తొలి టైటిల్ కోసం సుదీర్ఘ నిరీక్షణకు స్వస్తి పలికేందుకు ఆర్‌సీబీకి సువర్ణావకాశం లభించింది.
By Medi Samrat
ఐపీఎల్‌లో తొలి టైటిల్ కోసం సుదీర్ఘ నిరీక్షణకు స్వస్తి పలికేందుకు ఆర్‌సీబీకి సువర్ణావకాశం లభించింది. మే 29, గురువారం జరిగిన IPL 2025 మొదటి క్వాలిఫయర్ మ్యాచ్‌లో పంజాబ్‌ను ఓడించి RCB నాలుగోసారి ఫైనల్‌కు చేరుకుంది. పంజాబ్‌పై 8 వికెట్ల తేడాతో గెలిచిన ఆర్‌సీబీ 9 ఏళ్ల తర్వాత ఐపీఎల్‌లో ఫైనల్‌కు చేరింది. ఈ సీజన్‌లో టైటిల్ గెలిచే జ‌ట్ల‌లో RCB బలమైన పోటీదారుగా చూస్తున్నారు.
నిజానికి 2011లో ఐపీఎల్‌లో ప్లేఆఫ్ ఫార్మాట్ అమలు చేయబడింది. దీని కింద టాప్-2లో నిలిచిన జట్టుకు ఫైనల్స్‌కు చేరుకోవడానికి రెండు అవకాశాలు ఉన్నాయి. అప్పటి నుంచి ఇప్పటి వరకు జరిగిన ఐపీఎల్ చరిత్రను పరిశీలిస్తే క్వాలిఫయర్-1లో నెగ్గిన జట్టు ఐపీఎల్ ఫైనల్లో ఎక్కువసార్లు గెలిచింది.
2011 సంవత్సరంనుంచి గత సీజన్ వరకు అంటే 2024 వరకు మాట్లాడుకుంటే.. 14 ఫైనల్స్‌లో క్వాలిఫయర్-1 గెలిచిన జట్టు 11 సార్లు ఫైనల్లో గెలిచింది. ఇది మాత్రమే కాదు.. 2018 నుండి 2024 వరకు అన్ని ఛాంపియన్ జట్లు క్వాలిఫయర్-1 గెలిచాయి. ఇందులో CSK (2018, 2021, 2023), ముంబై ఇండియన్స్ (2019, 2020), గుజరాత్ టైటాన్స్ (2022), KKR (2024) ఉన్నాయి.
అటువంటి పరిస్థితితుల‌లో.. RCB తన 17 సంవత్సరాల ట్రోఫీ కరువును ముగించడం కూడా యాదృచ్ఛికంగా క‌నిపిస్తుంది. క్వాలిఫయర్-1లో గెలిచిన ఆర్‌సీబీ.. జూన్ 3న అహ్మదాబాద్‌లో ఫైనల్ ఆడనుంది.ఫైనల్లో జూన్ 1న జరిగే క్వాలిఫయర్-2లో విజేతగా నిలిచిన జట్టుతో RCB తలపడనుంది.
