పత‌కం దిశ‌గా అడుగులు.. క్వార్టర్స్‌కు దూసుకెళ్లిన పీవీ సింధు

ఒలింపిక్స్‌లో స్వ‌ర్ణ‌మే ల‌క్ష్య‌మే బ‌రిలోకి దిగిన భార‌త స్టార్ షెట్ల‌ర్‌, తెలుగు తేజం పీవీ సింధు మ‌రో అడుగు ముందుకు వేసింది. మహిళ సింగిల్స్‌ గ్రూప్‌-జేలో వరుసగా మూడు విజయాలు సాధించి క్వార్టర్స్‌కు దూసుకెళ్లింది. గురువారం ఉద‌యం డెన్మార్క్‌ షెట్లర్‌ మియా బ్లిక్‌ఫెల్ట్‌తో జరిగిన ప్రీక్వార్టర్స్‌లో వరుస గేమ్‌లలో 21-15, 21-13తో విజ‌యం సాధించింది. ఈ మ్యాచ్‌లో సింధు స్ప‌ష్ట‌మైన ఆదిప‌త్యం క‌న‌బ‌రిచింది. మొత్తం 40 నిమిషాల పాటు జ‌రిగిన ఈమ్యాచ్‌లో ప్ర‌త్య‌ర్థి కోలుకోవ‌డానికి ఏ ద‌శ‌లోనూ అవ‌కాశం ఇవ్వ‌లేదు. కాగా.. క్వార్టర్‌ ఫైనల్‌లో గెలిస్తే కాంస్యం సాధించే అవకాశం ఉంది.

టోక్యో ఒలింపిక్స్‌లో నేటి భారత్‌ షెడ్యూల్

ఉ.5.30కి మహిళల 25 మీటర్ల పిస్టల్ ఈవెంట్

ఉ.6 గంటలకు హాకీ: భారత్ Vs అర్జెంటీనా

ఉ.6.15కి పీవీ సింధు ప్రీ క్వార్టర్స్‌ మ్యాచ్

ఉ.7.30కి ఆర్చరీ పురుషుల వ్యక్తిగత విభాగం(అతానుదాస్)

ఉ.8.48కి బాక్సింగ్ 91 కిలోల విభాగం(సతీష్‌కుమార్)

మ.3.36కి మేరీకోమ్‌ క్వార్టర్ ఫైనల్ మ్యాచ్