World Cup 2023 : పాక్ ఆడ‌నున్న మరో మ్యాచ్ డేట్ మార‌నుందా..?
Pakistan vs England match at Eden Gardens could witness date change due to security concerns. వన్డే ప్రపంచకప్-2023లో పాకిస్థాన్ ఆడ‌నున్న మరో మ్యాచ్ విష‌యంలో సంక్షోభం నెలకొంది.
By Medi Samrat Published on 6 Aug 2023 10:12 AM GMT
వన్డే ప్రపంచకప్-2023లో పాకిస్థాన్ ఆడ‌నున్న మరో మ్యాచ్ విష‌యంలో సంక్షోభం నెలకొంది. ఇంగ్లండ్-పాకిస్థాన్ మ్యాచ్ తేదీ మారే అవ‌కాశాలు ఉన్న‌ట్లు క‌నిపిస్తున్నాయి. ఈ మ్యాచ్ నవంబర్ 12న ఈడెన్ గార్డెన్స్‌లో జరగనుంది. అయితే.. క్రికెట్ అసోసియేషన్ ఆఫ్ బెంగాల్ ఈ మ్యాచ్ తేదీని మార్చాలని అంతర్జాతీయ క్రికెట్ కౌన్సిల్(ఐసీసీ), బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా(బీసీసీఐ)ను తనిఖీ బృందాన్ని అభ్యర్థించింది.
ఈసారి దీపావళి నవంబర్ 12వ తేదీన వస్తోంది. ఈ రోజున పోలీసులు భద్రత కల్పించడంలో ఇబ్బందులు ఎదుర్కొనే అవకాశం ఉంది. షెడ్యూల్‌లో మార్పు కోసం బోర్డు ఐసీసీకి ఎటువంటి అభ్యర్థనను పంపలేదని క్రికెట్ అసోసియేషన్ ఆఫ్ బెంగాల్ అధ్యక్షుడు స్నేహాశిష్ గంగూలీ తిరస్కరించగా.. కోల్‌కతా పోలీసులు భద్రతా సమస్యను లేవనెత్తారని సీనియర్ సభ్యులు పిటిఐకి చెప్పారు. మ్యాచ్ రోజు భద్రతా ఏర్పాట్లే పెద్ద సమస్య అని కోల్‌కతా పోలీసులు బీసీసీఐ అధికారులకు తెలిపినట్లు పీటీఐ పేర్కొంది. దీపావళిని దృష్టిలో ఉంచుకుని కోల్‌కతా పోలీసులు ఈ మేర‌కు వెల్ల‌డించిన‌ట్లు పేర్కొంది.World Cup 2023 : పాక్ ఆడ‌నున్న మరో మ్యాచ్ డేట్ మార‌నుందా..?
అక్టోబర్ 15న భారత్, పాకిస్థాన్ మధ్య మ్యాచ్ జరగాల్సి ఉండ‌గా.. అయితే ఈ మ్యాచ్ తేదీ మారనుంది. నవరాత్రులు అక్టోబర్ 15 నుండి ప్రారంభమవుతాయి. అహ్మదాబాద్‌లో జరగాల్సిన ఈ మ్యాచ్ తేదీని అక్టోబర్ 14కి మార‌వచ్చని వార్తలు వ‌స్తున్నాయి. ప్రపంచకప్‌కు సంబంధించిన సవరించిన షెడ్యూల్‌ను ఐసీసీ ఇంకా విడుదల చేయలేదు. జూన్ 27న జరిగిన కార్యక్రమంలో బీసీసీఐతో పాటు కౌన్సిల్ ప్రపంచకప్ షెడ్యూల్‌ను విడుదల చేసింది. అక్టోబర్ 5 నుంచి ప్రపంచకప్ ప్రారంభ‌మ‌వుతుంది.
