కొరియా ఓపెన్‌.. సెమీస్‌లో ఓడిన పీవీ సింధు

Korea Open PV Sindhu fails to decode An Seyoung.కొరియా ఓపెన్ బ్యాడ్మింట‌న్ టోర్నిలో భార‌త స్టార్ ష‌ట్ల‌ర్‌, తెలుగు తేజం

By తోట‌ వంశీ కుమార్‌  Published on  9 April 2022 6:14 AM GMT
కొరియా ఓపెన్‌.. సెమీస్‌లో ఓడిన పీవీ సింధు

కొరియా ఓపెన్ బ్యాడ్మింట‌న్ టోర్నిలో భార‌త స్టార్ ష‌ట్ల‌ర్‌, తెలుగు తేజం పీవీ సింధు క‌థ ముగిసింది. శ‌నివారం జ‌రిగిన మ‌హిళ‌ల సింగిల్స్ సెమీ ఫైన‌ల్‌లో పీవీ సింధు ఓట‌మి పాలైంది. కొరియా ష‌ట్ల‌ర్ ఆన్ సుయాంగ్ చేతితో 14-21, 17-21 తో వ‌రుస సెట్ల‌లో ఓడింది. ఈ రోజు జ‌రిగిన మ్యాచ్‌తో క‌లిసి ఇప్ప‌టి వ‌ర‌కు ఆన్ సుయాంగ్ తో నాలుగు సార్లు త‌ల‌ప‌డిన సింధు అన్నింటిల్లోనూ ఓట‌మి పాలు కావ‌డం గ‌మ‌నార్హం.

బీడబ్ల్యూఎఫ్‌ వరల్డ్‌ టూర్‌ సూపర్‌-500 టోర్నీ మహిళల సింగిల్స్‌ క్వార్టర్‌ఫైనల్లో శుక్రవారం మూడో సీడ్‌ సింధు 21-10, 21-16తో బుసానన్‌ ఓంగ్‌బమ్రున్‌ఫాన్‌ (థాయ్‌లాండ్‌)పై అలవోక విజయం సాధించిన విష‌యం తెలిసిందే. అయితే.. శ‌నివారం సెమీఫైన‌ల్ మ్యాచ్‌లో సింధు అంచ‌నాల‌ను అందుకోలేక‌పోయింది.

Next Story
Share it