నాలుగు వ‌రుస పరాజ‌యాల త‌రువాత.. ఎట్ట‌కేల‌కు

Kolkata Knight riders beat Punjab Kings by 5 wickets.ఎట్ట‌కేల‌కు నాలుగు వ‌రుస ప‌రాజ‌యాల అనంత‌రం కోల్ క‌తా నైట్ రైడ‌ర్స్

By తోట‌ వంశీ కుమార్‌  Published on  27 April 2021 2:20 AM GMT
నాలుగు వ‌రుస పరాజ‌యాల త‌రువాత.. ఎట్ట‌కేల‌కు

ఎట్ట‌కేల‌కు నాలుగు వ‌రుస ప‌రాజ‌యాల అనంత‌రం కోల్ క‌తా నైట్ రైడ‌ర్స్ విజ‌యం సాధించింది. అహ్మ‌దాబాద్‌లోని న‌రేంద్ర‌మోదీ స్టేడియంలో పంజాబ్ కింగ్స్‌తో జ‌రిగిన మ్యాచ్‌లో కోల్‌క‌తా సార‌థి మోర్గాన్.. కెప్టెన్ ఇన్నింగ్స్‌తో విజ‌యాన్ని అందించాడు. దీంతో ఈ సీజన్‌లో రెండో విజ‌యాన్ని న‌మోదు చేసిన నైట్ రైడ‌ర్స్‌.. పాయింట్ల ప‌ట్టిక‌లో త‌న స్థానాన్ని మెరుగుప‌ర‌చుకుంది. టాస్ ఓడి బ్యాటింగ్‌కు దిగిన పంజాబ్ నిర్ణీత 20 ఓవ‌ర్ల‌లో 9 వికెట్ల న‌ష్టానికి 123 ప‌రుగులు మాత్ర‌మే చేయ‌గ‌లిగింది. మయాంక్‌ అగర్వాల్‌ (31; 34 బంతుల్లో 1 ఫోర్, 2 సిక్స్‌లు) ఫర్వాలేదనిపించగా... చివర్లో క్రిస్‌ జోర్డాన్‌ (30; 18 బంతుల్లో 1 ఫోర్, 3 సిక్స్‌లు) దూకుడుగా ఆడాడు. ప్రసిధ్‌ కృష్ణ (3/ 30), సునీల్‌ నరైన్‌ (2/22), కమిన్స్‌ (2/31) ప్రత్యర్థి భారీ స్కోరు చేయకుండా అడ్డుకున్నారు.

అనంత‌రం స్వ‌ల్ప ల‌క్ష్యాన్ని చేధించ‌డానికి బ‌రిలోకి దిగిన కోల్‌క‌త్తాకు శుభారంభం ద‌క్క‌లేదు. 17 ప‌రుగుల‌కే 3 వికెట్లు కోల్పోయి క‌ష్టాల్లో ప‌డింది. ఈ ద‌శ‌లో జ‌ట్టును కెప్టెన్ మోర్గాన్ (47 నాటౌట్‌; 40 బంతుల్లో 4 ఫోర్లు , 2 సిక్స్‌లు), రాహుల్‌ త్రిపాఠి (41; 32 బంతుల్లో 7 ఫోర్లు) జ‌ట్టును ఆదుకున్నారు. వికెట్ కాపాడుకుంటూనే అవ‌స‌రం ఉన్న‌ప్పుడు బౌండ‌రీలు బాదుతూ సాధించాల్సిన ర‌న్‌రేట్‌ను ప‌డిపోకుండా చూసుకున్నారు. నాలుగో వికెట్ కు 66 ప‌రుగుల భాగ‌స్వామ్యం నెల‌కొల్పిన అనంత‌రం ఓ భారీ షాట్‌ను ఆడేందుకు యత్నించి త్రిపాఠి పెవిలియ‌న్ కు చేరాడు. అయితే.. కెప్టెన్ మోర్గాన్‌.. ర‌సెల్‌(10), కార్తీక్ (12 నాటౌట్‌)ల‌తో క‌లిసి 16.4 ఓవ‌ర్ల‌లోనే జ‌ట్టుకు విజ‌యాన్ని అందించాడు.




Next Story
Share it