మనోడు గ్రేటు.. బుమ్రా కొత్త రికార్డు

టెస్టు క్రికెట్‌లో అత్యంత వేగంగా 200 వికెట్లు తీసిన భారత పేసర్‌గా జస్ప్రీత్ బుమ్రా రికార్డు సృష్టించాడు. మెల్‌బోర్న్ క్రికెట్ గ్రౌండ్ (MCG)లో ఆస్ట్రేలియాతో జరిగిన బాక్సింగ్ డే టెస్టులో బుమ్రా ఈ మైలురాయిని సాధించాడు. దిగ్గజ ఆటగాడు కపిల్ దేవ్ పేరిట 50 మ్యాచ్‌లలో ఈ రికార్డు ఉంది. బుమ్రా తన 44వ టెస్ట్‌లో మైలురాయిని చేరుకున్నాడు, రవీంద్ర జడేజాతో కలిసి 200 టెస్టు వికెట్లు తీసిన సంయుక్త రెండో భారత ఆటగాడిగా నిలిచాడు. బ్రిస్బేన్ టెస్ట్ తర్వాత రిటైర్ అయిన రవి అశ్విన్ తన 37వ టెస్టులో 200వ టెస్ట్ వికెట్‌ను తీసి అత్యంత వేగవంతమైన భారతీయుడిగా నిలిచాడు.

అడిలైడ్, బ్రిస్బేన్ టెస్టుల్లో వరుసగా సెంచరీలు చేసి సిరీస్‌లో అత్యధిక పరుగులు సాధించిన ఆటగాడిగా ఉన్న ట్రావిస్ హెడ్‌ను అవుట్ చేసిన తర్వాత బుమ్రా 200 వికెట్ల మైలురాయిని చేరుకున్నాడు. పాకిస్థాన్ మాజీ స్పిన్నర్ యాసిర్ షా కేవలం 33 టెస్టుల్లోనే అత్యంత వేగంగా ఈ మైలురాయిని చేరుకున్న ఆటగాడిగా ఉండగా.. పేసర్లలో ఆస్ట్రేలియాకు చెందిన డెన్నిస్ లిల్లీ 38 టెస్టు మ్యాచ్‌ల్లో రికార్డు సృష్టించాడు.