ఛాంపియన్స్‌ ట్రోఫీ: జస్ప్రీత్ బుమ్రా దూరమయ్యే ఛాన్స్‌!

బోర్డర్‌ గవాస్కర్‌ ట్రోఫీలో ఘోర ఓటమి నేపథ్యంలో ఛాంపియన్స్‌ ట్రోఫీ అయినా గెలవాలని చూస్తున్న టీమ్‌ ఇండియాకు షాక్‌ తగిలినట్టు తెలుస్తోంది. స్టార్ ఇండియా పేసర్ జస్ప్రీత్ బుమ్రా ఛాంపియన్స్ ట్రోఫీలో పాల్గొనే అవకాశం లేదని సమాచారం. భారతదేశపు అత్యుత్తమ పేసర్‌లలో ఒకరైన బుమ్రా ప్రస్తుతం గాయపడ్డాడు. బుమ్రాను.. భారత క్రికెట్ నియంత్రణ మండలి (BCCI) బెంగళూరులోని జాతీయ క్రికెట్ అకాడమీని సందర్శించవలసిందిగా కోరింది. వెన్నులో వాపు కారణంగా భారత స్టార్‌ పేసర్‌ జస్పీత్‌ బుమ్రా గ్రూప్‌ స్టేజ్‌ మ్యాచులన్నీ మిస్‌ కావొచ్చని సమాచారం.

అతడి ఫిట్‌నెస్‌ విషయంలో మల్లగుల్లాల కారణంగానే జట్టును ప్రకటించేందుకు ఐసీసీని బీసీసీఐ మరింత సమయం అడిగినట్టు బోర్డు వర్గాలు చెబుతున్నాయి. బుమ్రా ఛాంపియన్స్ ట్రోఫీ జట్టులో చోటు దక్కించుకోవచ్చని, అయితే అతని రాక అతని కోలుకోవడానికి లోబడి ఉంటుందని ఈ విషయానికి సంబంధించిన గోప్యత వర్గాలు పేర్కొన్నాయి. బోర్డర్-గవాస్కర్ ట్రోఫీ చివరి టెస్టు మ్యాచ్‌లో 2వ రోజు బుమ్రా గాయపడ్డాడు. 3వ రోజు మ్యాచ్ చివరి ఇన్నింగ్స్‌లో బౌలింగ్ చేయడానికి బయటకు రాలేదు. 30 ఏళ్ల బుమ్రా బోర్డర్-గవాస్కర్ ట్రోఫీలో 150 ఓవర్లకు పైగా బౌలింగ్ చేశాడు.