రేపే 'భారత్-బంగ్లాదేశ్' ప్రపంచకప్ మ్యాచ్.. అందరి కన్ను అతడిపైనే..!
అండర్-19 ప్రపంచకప్ను భారత క్రికెట్ జట్టు ఘనంగా ప్రారంభించింది. తొలి మ్యాచ్లో అమెరికాను ఓడించింది.
By - Medi Samrat
అండర్-19 ప్రపంచకప్ను భారత క్రికెట్ జట్టు ఘనంగా ప్రారంభించింది. తొలి మ్యాచ్లో అమెరికాను ఓడించింది. ఏ జట్టుకైనా భారీ టోర్నీని విజయంతో ప్రారంభించడం చాలా ముఖ్యం. భారత్ తన విజయ పరంపరను కొనసాగించాలనుకుంటుంది. తదుపరి మ్యాచ్లో బంగ్లాదేశ్తో తలపడనుంది. దీంతో వైభవ్ సూర్యవంశీపై అందరి దృష్టి పడనుంది.
ప్రస్తుతం భారత్, బంగ్లాదేశ్ మధ్య సంబంధాలు బాగా లేవు. BCCI IPL-2026 నుండి బంగ్లాదేశ్కు చెందిన ముస్తాఫిజుర్ రెహ్మాన్ను మినహాయించింది. దీని తర్వాత బంగ్లాదేశ్ కోపంగా ఉంది. బంగ్లాదేశ్లో భారత్పైనా, భారత జట్టుపైనా ఆగ్రహం వ్యక్తమవుతోంది. ఇలాంటి పరిస్థితుల్లో ఈ మ్యాచ్కు మరింత ప్రాధాన్యత పెరిగింది. విజయం కోసం వైభవ్ బ్యాటింగ్లో చుక్కలు చూపించాల్సిన అవసరం ఉంది.
అండర్-19 ప్రపంచకప్లో భారత్-బంగ్లాదేశ్ మధ్య జనవరి 17వ తేదీ శనివారం మ్యాచ్ జరగనుంది. బుల్వాయోలోని క్వీన్స్ స్పోర్ట్స్ క్లబ్లో ఈ మ్యాచ్ జరగనుంది. భారత కాలమానం ప్రకారం మధ్యాహ్నం 1 గంటలకు మ్యాచ్ ప్రారంభం కానుంది.టాస్ మధ్యాహ్నం 12:30 గంటలకు జరుగుతుంది. స్టార్ స్పోర్ట్స్ నెట్వర్క్లో ఈ మ్యాచ్ ప్రత్యక్ష ప్రసారాన్ని చూడవచ్చు. జియో హాట్స్టార్లో కూడా ఈ మ్యాచ్ ప్రత్యక్ష ప్రసారాన్ని చూడవచ్చు.
