టాస్ ఓడిన భారత్.. ప్లేయింగ్-11లో సాయి సుదర్శన్, కరుణ్ నాయర్
అండర్సన్-టెండూల్కర్ ట్రోఫీ ఐదు టెస్టుల సిరీస్‌లో భాగంగా భారత్, ఇంగ్లండ్ జట్ల మధ్య ఈరోజు లీడ్స్ వేదికగా తొలి టెస్టు ప్రారంభమైంది.
By Medi Samrat
అండర్సన్-టెండూల్కర్ ట్రోఫీ ఐదు టెస్టుల సిరీస్‌లో భాగంగా భారత్, ఇంగ్లండ్ జట్ల మధ్య ఈరోజు లీడ్స్ వేదికగా తొలి టెస్టు ప్రారంభమైంది. ఈ పర్యటనను విజ‌యంతో అద్భుతంగా ప్రారంభించాలనే ఉద్దేశ్యంతో భారత జట్టు ఉంది. రోహిత్-కోహ్లీ లేకపోవడంతో గిల్ సారథ్యంలోని భారత జట్టుకు ఇంగ్లండ్ నుంచి గట్టి సవాల్ ఎదుర్కోనుంది. ఈ మ్యాచ్‌లో ఇంగ్లండ్ కెప్టెన్ బెన్ స్టోక్స్ టాస్ గెలిచి ముందుగా బౌలింగ్ ఎంచుకున్నాడు. ఇంగ్లాండ్ ఇప్పటికే ప్లే-11ని ప్రకటించింది.
అదే సమయంలో భారత కెప్టెన్ శుభ్‌మన్ గిల్ కూడా టాస్ గెలిచిన తర్వాత మొదట బౌలింగ్ చేయాలనుకుంటున్నట్లు చెప్పాడు. సుదర్శన్ అరంగేట్రం చేస్తున్నట్లు గిల్ తెలిపారు. కరుణ్ నాయర్ జ‌ట్టులోకి తిరిగి వచ్చాడు. ముగ్గురు స్పెషలిస్ట్ ఫాస్ట్ బౌలర్లు ఆడుతున్నారు. శార్దూల్ ఆల్ రౌండర్ పాత్రలో కనిపించనున్నాడు. సుదర్శన్ మూడో నంబర్‌లో, కరుణ్ ఆరో నంబర్‌లో బ్యాటింగ్ చేయ‌నున్నారు.
రెండు జట్లలో ప్లేయింగ్-11
భారత్: యశస్వి జైస్వాల్, కేఎల్ రాహుల్, సాయి సుదర్శన్, శుభ్‌మన్ గిల్ (కెప్టెన్), రిషబ్ పంత్ (వికెట్ కీపర్), కరుణ్ నాయర్, రవీంద్ర జడేజా, శార్దూల్ ఠాకూర్, జస్‌ప్రీత్ బుమ్రా, మహమ్మద్ సిరాజ్, ప్రసిద్ధ్ కృష్ణ.
ఇంగ్లండ్: జాక్ క్రౌలీ, బెన్ డకెట్, ఓలీ పోప్, జో రూట్, హ్యారీ బ్రూక్, బెన్ స్టోక్స్ (c), జామీ స్మిత్ (WK), క్రిస్ వోక్స్, బ్రైడన్ కార్సే, జోష్ టోంగ్, షోయబ్ బషీర్.
