దంచికొట్టిన డివిలియర్స్.. ఢిల్లీ ఎదుట భారీ ల‌క్ష్యం

ఐపీఎల్ 14వ సీజన్లో భాగంగా ఢిల్లీ క్యాపిటల్స్‌తో జరుగుతున్న మ్యాచ్‌లో రాయల్ చాలెంజర్స్ బెంగళూరు భారీ స్కోరు సాధించింది. టాస్ గెలిచిన ఢిల్లీ బౌలింగ్ ఎంచుకోవ‌డంతో.. నిర్ణీత 20 ఓవర్లలో 5 వికెట్లు కోల్పోయిన ఆర్సీబీ 171 పరుగులు చేసింది. ఆర్సీబీ ఓపెన‌ర్లు విఫ‌ల‌మ‌వ‌గా.. మిస్ట‌ర్ 360.. ఏబీ డివిలియర్స్(75 నాటౌట్: 42 బంతుల్లో.. 3 ఫోర్లు, 5 సిక్స్‌లు) అర్థ సెంచరీతో అదరగొట్టాడు.

ముఖ్యంగా చివరి ఓవర్లో మార్కస్ స్టోయినిస్ బౌలింగ్‌లో 3 సిక్స్‌లు బాది స్కోరు బోర్డును పరుగులు పెట్టించాడు. దీంతో ఆర్సీబీ 170కి పైగా పరుగులు చేసింది. డివిలియర్స్‌తో పాటు రజత్ పాటిదార్(31: 22 బంతుల్లో.. 2 సిక్స్‌లు), గ్లెన్ మ్యాక్స్‌వెల్(25: 20 బంతుల్లో.. 1 ఫోర్, 2 సిక్స్‌లు) చక్కటి ప్రదర్శన చేశారు. ఢిల్లీ బౌల‌ర్ల‌లో స్ట‌యినీస్ మిన‌హా బౌల‌ర్లంద‌రూ త‌లా ఒక వికెట్ తీశారు. మరికాసేపట్లో 172 పరుగుల లక్ష్యంతో ఢిల్లీ క్యాపిటల్స్ బరిలోకి దిగనున్న క్ర‌మంలో ఈదురుగాలులు మ్యాచ్‌కు అడ్డంకిగా మారాయి. గాలులు ఆగిన త‌రువాత మ్యాచ్ ప్రారంభమ‌వ‌నుంది.