రోహిత్-కోహ్లీల‌కు భారీ షాక్‌..!

భారత క్రికెట్ నియంత్రణ మండలి (BCCI) సోమవారం 2025-26 సీజన్ (అక్టోబర్ 1, 2025-సెప్టెంబర్ 30, 2026) కోసం సీనియర్ పురుషులు, మహిళా ఆటగాళ్ల వార్షిక ఒప్పందాలను ప్రకటించింది. ఇందులో రోహిత్ శర్మ, విరాట్ కోహ్లి ఇరువురిని గ్రేడ్ బిలో ఉంచారు. కాగా, శుభ్‌మన్ గిల్, జస్ప్రీత్ బుమ్రా, రవీంద్ర జడేజా, హర్మన్‌ప్రీత్ కౌర్, స్మృతి మంధాన, జెమీమా రోడ్రిగ్స్, దీప్తి శర్మలను గ్రేడ్ ఎలో ఉంచారు.

BCCI గ్రేడ్ A లో ముగ్గురు ఆటగాళ్లను ఉంచింది. వీరిలో ODI, టెస్ట్ జట్టు కెప్టెన్ శుభ్‌మన్ గిల్, ఫాస్ట్ బౌలర్ జస్ప్రీత్ బుమ్రా, అనుభవజ్ఞుడైన ఆల్ రౌండర్ రవీంద్ర జడేజా ఉన్నారు. ముగ్గురూ భారత్‌కు రెండు ఫార్మాట్లలో ఆడతారు. అదే సమయంలో మహిళల జట్టు కెప్టెన్ హర్మన్‌ప్రీత్ కౌర్, స్మృతి మంధాన, జెమిమా రోడ్రిగ్స్, దీప్తి శర్మలను కూడా గ్రేడ్ A లో ఉంచారు.