ఆఫ్ఘన్ చేతిలో ఓటమి పాలైన పాకిస్థాన్

ఆసియా క్రికెట్ క్రీడల్లో భాగంగా ఆఫ్ఘనిస్తాన్ తో జరిగిన సెమీఫైనల్ మ్యాచ్ లో పాకిస్తాన్ ఓటమి పాలైంది. ఆఫ్ఘనిస్తాన్ జట్టు అద్భుతమైన ఆల్ రౌండ్ ప్రదర్శనతో పాకిస్థాన్ ను ఓడించింది. ఈ మ్యాచ్లో తొలిత బ్యాటింగ్ చేసిన పాకిస్తాన్ 18 ఓవర్లలో 115 పరుగుల వద్ద ఆలౌట్ అయ్యింది. 24 పరుగులు చేసిన ఒమైర్ యూసఫ్ పాక్ జట్టులో టాప్ స్కోరర్. ఆఫ్ఘన్ బౌలర్లలో ఫరీద్ అహ్మద్ 3 వికెట్లు తీసుకోగా, కాయిస్ అహ్మద్, జహీర్ ఖాన్ చెరో 2 వికెట్లు తీసుకున్నారు. అనంతరం 116 పరుగుల లక్ష్యాన్ని ఆఫ్ఘనిస్తాన్ బాటర్లు 6 వికెట్లు కోల్పోయి ఛేదించారు. నూర్ అలీ జార్డాన్ 39 పరుగులతో రాణించగా.. గుల్బుద్దీన్ నయిబ్ 26 పరుగులు చేశాడు. ఈ విజయంతో ఆఫ్గనిస్తాన్ జట్టు ఫైనల్ చేరగా.. స్వర్ణం కోసం అక్టోబర్ 7న భారత్ తో తలపడనుంది.

ఆసియా క్రీడల్లో భారత మెన్స్‌ క్రికెట్‌ టీమ్‌ ఫైనల్‌కు చేరుకుంది. సెమీస్‌లో బంగ్లాదేశ్‌ను టీమిండియా 9 వికెట్ల తేడాతో ఓడించింది. తొలుత బ్యాటింగ్‌కు దిగిన బంగ్లాదేశ్‌ 96 పరుగులు చేసింది. అనంతరం రంగంలోకి దిగిన భారత్‌ కేవలం ఒక్క వికెట్‌ మాత్రమే కోల్పోయి 9.2 ఓవర్లలో 97 పరుగులు చేసి ఘనవిజయాన్ని అందుకుంది. ఈ మ్యాచ్‌లో తెలుగు తేజం తిలక్‌ వర్మ రాణించాడు. 50 పరుగులు చేసి నాటౌట్‌గా నిలిచాడు. రుతురాజ్‌ గైక్వాడ్‌ (40 నాటౌట్) కెప్టెన్ ఇన్నింగ్స్ ఆడాడు.