అమెరికాలో దారుణం చోటు చేసుకుంది. ఏపీలోని నెల్లూరు జిల్లా యువకుడిపై కాల్పులు చోటు చేసుకున్నాయి. జిల్లాలోని మనుబోలు మండలం మడమనూరు గ్రామానికి చెందిన డేగా ధీరజ్‌రెడ్డి (28) శనివారం చికాగోలో నిత్యావసరాలు తెచ్చుకునేందుకు బయటకు వెళ్లాడు. దీంతో ధీరజ్‌రెడ్డిపై నల్ల జాతీయులు కాల్పులు జరపడంతో తీవ్ర గాయాలయ్యాయి. దీంతో హుటాహుటిన చికిత్స నిమిత్తం ధీరజ్‌రెడ్డిని ఆస్పత్రికి తరలించారు. తీవ్ర గాయాలు కావడంతో పరిస్థితి విషమంగా ఉన్నట్లు అక్కడి వైద్యులు తెలిపారు.

పదేళ్ల వయసు ఉండగానే తల్లిదండ్రులను కోల్పోయిన ధీరజ్‌, అమ్మమ్మ వద్ద ఉంటూ ఇంజనీరింగ్‌ పూర్తి చేశాడు. ఇంజనీరింగ్‌ పూర్తి చేసి బెంగళూరులో ఉద్యోగం చేస్తున్న ధీరజ్‌రెడ్డి ..ఉన్నత విద్య కోసం జనవరిలో అమెరికి వెళ్లాడు. అక్కడ ఛారర్లెస్టోన్‌ ఈస్ట్రన్‌ ఇలినోయిస్ యూనివర్సిటీలో చేరాడు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.