'సర్వం AI'.. జెమినీ, చాట్‌ జీపీటీకి దీటుగా భారత్‌ స్టారప్‌ కంపెనీ

ఇప్పటివరకు ఆర్టిఫిషియల్ ఇంటెలిజెన్స్ (AI) ప్రపంచంలో అమెరికా, చైనా ఆధిపత్యం చెలాయించాయి. కానీ ఇప్పుడు భారతదేశం కూడా ఈ మార్కెట్‌లో తనదైన ముద్ర వేసింది. AI దిగ్గజాలు గూగుల్‌ జెమినీ, చాట్‌ జీపీటీలకు మన కంపెనీ సవాలు విసురుతోంది.

బెంగళూరు స్టార్టప్‌ 'సర్వం ఏఐ' రిలీజ్‌ చేసిన Sarvam Vision, Bulbul టూల్స్‌ సంచలనం రేపుతున్నాయి. వర్డ్‌ ఆక్యూరసీలో 87.3 శాతం, ఆప్టికల్‌ క్యారెక్టర్‌ రికగ్నిషన్‌ (ఓసీఆర్‌)లో 84.3 శాతం, ఎర్రర్‌ రేటులో 8.6 శాతం జెమినీ, చాట్‌ జీపీటీ, ఆంథ్రోపిక్‌ క్లౌడ్‌ కన్నా ఎంతో మెరుగైన ప్రదర్శనను కనబరిచాయి. ప్రస్తుతం ఇవి టెక్‌ నిపుణులను ఆశ్చర్యపరుస్తున్నాయి. సర్వం ఏఐ పనితీరు చాలా బాగుండటంతో వినియోగదారులు, నిపుణుల నుండి ప్రశంసలను అందుకుంటోంది. భారతీయ భాషలను అర్థం చేసుకోవడం, పత్రాలను చదవడం విషయంలో సర్వమ్ AI యొక్క కొత్త మోడల్ ప్రపంచంలోనే అత్యంత ఖచ్చితమైనదని నిరూపించబడింది. దీనిపై ఇప్పుడు ప్రపంచవ్యాప్తంగా చర్చ జరుగుతోంది.

సర్వం ఏఐ

సర్వం ఏఐ కంపెనీని 2023లో వివేక్‌ రాఘవన్‌, ప్రత్యూష్‌ కుమార్‌ స్థాపించారు. హైఎండ్‌ క్లౌడ్‌ కంప్యూటర్ల కోసమే కాకుండా ఫోన్లు, స్థానిక భాషల కోసం దీన్ని రూపొందించారు. భారత భాషల్లోని క్లిష్టమైనా డాక్యుమెంట్లనూ Sarvam Vision ఈజీగా చదివేస్తోంది. టెక్స్ట్‌ టూ స్పీచ్‌ టూల్‌ 'Bulbul'11 భారత భాషల్లో 32 వాయిస్‌లు అందిస్తోంది. చౌకగా, స్థానిక భాషలతో, స్క్రిప్టులను చదవడంలో మేలైన ఓసీఆర్‌తో ఇక్కడి సంస్థలను సర్వం ఏఐ ఆకర్షిస్తోంది.

సర్వం AI భారతదేశంలో ఉపయోగించే భాషలు, పాఠాలు, మాట్లాడే భాష ఇతర దేశాల కంటే భిన్నంగా ఉండాలనే ఆలోచనతో నిర్మించబడింది. అందుకే దాని పూర్తి దృష్టి హిందీ, ఇతర భారతీయ భాషలపై ఉంది. విదేశీ AI నమూనాలు తరచుగా భారతీయ సందర్భాలలో తప్పులు చేస్తుండగా, సర్వం AI మరింత ఖచ్చితంగా, సౌకర్యవంతంగా స్పందిస్తుంది. ఇటీవల, కంపెనీ సర్వం విజన్, బుల్బుల్ V3 అనే రెండు ప్రత్యేక సాధనాలను ప్రారంభించింది. సర్వం విజన్ అనేది కాగితాలు లేదా ఫోటోలపై వ్రాసిన వచనాన్ని డిజిటల్ భాషలోకి మార్చే OCR సాధనం.