రవితేజ 66వ చిత్రం ప్రారంభానికి ముహుర్తం ఖరారు..!
By న్యూస్మీటర్ తెలుగు Published on 13 Nov 2019 5:22 AM GMTమాస్ మహారాజా రవితేజ 66వ చిత్రానికి ముహూర్తం కుదిరింది. నవంబర్ 14న ఈ సినిమాను గ్రాండ్ లెవల్లో పూజా కార్యక్రమాలతో ప్రారంభించనున్నారు. 'డాన్శీను', 'బలుపు' చిత్రాల తర్వాత గోపిచంద్ మలినేని, రవితేజ కాంబినేషన్లో రూపొందుతున్న హ్యాట్రిక్ మూవీ ఇది. సరస్వతి ఫిలింస్ డివిజన్ బ్యానర్పై బి.మధు ఈ చిత్రాన్ని నిర్మిస్తున్నారు. పవర్పోలీస్ ఆఫీసర్గా రవితేజ నటిస్తోన్న యాక్షన్ థ్రిల్లర్ ఇది. సినిమా ఓపెనింగ్కు సంబంధించిన పోస్టర్ను చిత్ర యూనిట్ విడుదల చేసింది. అందులో ఇన్టెన్స్ బ్యాగ్రౌండ్లో రవితేజ పోలీస్ ఆఫీసర్ డ్రెస్లో కనపడుతున్నారు. రవితేజ హీరోగా నటిస్తున్న ఈ చిత్రంలో వరలక్ష్మి శరత్కుమార్, సముద్రఖని పవర్ఫుల్ పాత్రల్లో నటిస్తున్నారు. యంగ్ మ్యూజిక్ సెన్సేషన్ ఎస్.ఎస్.తమన్ సంగీతాన్ని అందిస్తున్నారు.
రవితేజ, శృతిహాసన్, సముద్రఖని, వరలక్ష్మి శరత్కుమార్ తదితరులు నటిస్తున్న ఈ చిత్రానికి దర్శకత్వం: గోపీచంద్ మలినేని, నిర్మాత: ఠాగూర్ మధు, బ్యానర్: లైట్ హౌస్ మూవీ మేకర్స్, సంగీతం: ఎస్.ఎస్.తమన్
Next Story