ప‌వ‌న్ .. ఆ డైరెక్ట‌ర్ కి గ్రీన్ సిగ్న‌ల్ ఇచ్చాడా..?

ప‌వ‌ర్ స్టార్ ప‌న‌వ్ క‌ళ్యాణ్ రీ ఎంట్రీ ఇవ్వ‌నున్నాడు అని గ‌త కొన్ని రోజులుగా వార్త‌లు వ‌స్తున్న విష‌యం తెలిసిందే. అయితే… ఎవ‌రితో సినిమా చేయ‌నున్నాడు..? ఏ త‌ర‌హా క‌థ‌తో రీ ఎంట్రీ ఇవ్వ‌నున్నాడు..? అనేది ఆస‌క్తిగా మారింది. పింక్ రీమేక్ చేయ‌నున్నాడు అని వార్త‌లు వ‌చ్చాయి. దీనిని ప్ర‌ముఖ నిర్మాత దిల్ రాజు నిర్మించ‌నున్నార‌ని ప్ర‌చారం జ‌రిగింది. ఇదిలా ఉంటే… తాజాగా ఓ వార్త బ‌య‌ట‌కు వ‌చ్చింది.

అది ఏంటంటే.. ప‌వ‌న్ క‌ళ్యాణ్… డైరెక్ట‌ర్ క్రిష్ చెప్పిన క‌థ‌కి ఓకే చెప్పాడ‌ట‌. జాన‌ప‌ద చిత్రంగా ఈ సినిమా ఉంటుంద‌ని.. ప‌వ‌న్ క‌ళ్యాణ్ ని స‌రికొత్త‌గా చూపించ‌నున్నార‌ని జోరుగా ప్ర‌చారం జ‌రుగుతుంది. ఈ సినిమాని న‌వంబ‌ర్ 15న ప్రారంభిస్తార‌ని… ఎ.ఎం. ర‌త్నం ఈ చిత్రాన్ని నిర్మించ‌నున్నార‌ని స‌మాచారం. ఈ సినిమా గురించి వార్త‌లు వ‌స్తున్నాయి కానీ.. అఫిషియ‌ల్ గా ఇప్ప‌టి వ‌ర‌కు ఎలాంటి ప్ర‌క‌ట‌న రాలేదు. మ‌రి.. త్వ‌ర‌లోనే అఫిషియ‌ల్ ఎనౌన్స్ మెంట్ వ‌స్తుందేమో చూడాలి.

న్యూస్‌మీటర్ తెలుగు

విశ్వసనీయమైన డిజిటల్ మీడియా ప్లాట్‌ఫారమ్ మీకు విశ్వసనీయ వార్తా కథనాలను మరియు ప్రస్తుత వ్యవహారాల విశ్లేషణను తెస్తుంది.