ఫీల్డింగ్ చేసిన కుక్క.. వైరల్ వీడియో..!

Dog enters field during cricket match.తమ అభిమాన ఆటగాడిని చూసేందుకు కొందరు ఫ్యాన్స్ ఎంతకైనా తెగిస్తారు. కొందరు

By అంజి  Published on  13 Sep 2021 4:30 AM GMT
ఫీల్డింగ్ చేసిన కుక్క.. వైరల్ వీడియో..!

తమ అభిమాన ఆటగాడిని చూసేందుకు కొందరు ఫ్యాన్స్ ఎంతకైనా తెగిస్తారు. కొందరు ఫ్యాన్స్ అయితే ఏకంగా మ్యాచ్ మధ్యలో గ్రౌండ్‌లోకి దూకి తమ అభిమాన దైవాన్ని చూసుకునే ప్రయత్నం చేస్తుంటారు. కానీ ఇక్కడ ఓ కుక్క మాత్రం ఏకంగా గ్రౌండ్‌లోకి దూకి మ్యాచ్ మధ్యలో ఫీల్డింగే చేసేసింది. దీనికి సంబంధించిన వీడియో ఒకటి సోషల్ మీడియాలో వైరల్‌గా మారింది. తాజాగా వుమెన్స్ ఐర్లాండ్ టీ20 సెమీ ఫైనల్ మ్యాచ్‌లో ఓ కుక్క మైదానంలోకి పరిగెతుకుంటూ వచ్చింది.

బ్రెడీ క్రికెట్ క్లబ్, సివిల్ సర్వీస్ నార్త్ ఆఫ్ ఐర్లాండ్ క్రికెట్ క్లబ్‌కు మధ్య మ్యాచ్ జరుగుతున్న సమయంలో ఈ సంఘటన జరిగింది. సీఎస్‌ఎన్‌ఐ బ్యాటర్ కొట్టిన బంతిని ఫీల్డర్ పట్టుకుని కీపర్‌కు విసిరివేశాడు. అతడు బ్యాట్‌మెన్‌ను అవుట్‌ చేసే ప్రయత్నంలో బంతిని వికెట్లకు విసిరాడు. అది వికెట్లకు తగలకపోవడంతో, అదే సమయంలో గ్రౌండ్‌లోకి ప్రవేశించిన కుక్క ఆ బంతిని పట్టుకుని పరుగులు పెట్టింది. అప్పటికే దానిని వెంబడించిన యజమాని, ఆ కుక్క నోటి నుండి బంతిని తీసి అక్కడున్న ప్లేయర్‌కు అందించాడు. తర్వాత కుక్కను అక్కడి నుండి తీసుకొని గ్రౌండ్‌ బయటకు వెళ్లిపోయాడు. దీంతో అక్కడున్న కామెంటరీ బిగ్గరగా నవ్వారు. దీంతో కొంత సమయం మ్యాచ్‌కు అంతరాయం ఏర్పడింది.

Next Story
Share it