వైర‌ల్‌.. ఆవులు పాలు ఇవ్వ‌డం లేదని పోలీసుల‌కు ఫిర్యాదు

Bhadravathi farmer lodges complaint against cows over no milk.ఇటీవ‌ల కొంత మంది చాలా వింత‌గా ప్ర‌వ‌ర్తిస్తున్నారు. ప్ర‌తి

By తోట‌ వంశీ కుమార్‌  Published on  5 Dec 2021 4:35 AM GMT
వైర‌ల్‌.. ఆవులు పాలు ఇవ్వ‌డం లేదని పోలీసుల‌కు ఫిర్యాదు

ఇటీవ‌ల కొంత మంది చాలా వింత‌గా ప్ర‌వ‌ర్తిస్తున్నారు. ప్ర‌తి దానికి పోలీసుల‌కు ఫిర్యాదు చేస్తున్నారు. అది పోలీసులు తీర్చే స‌మ‌స్యా.. కాదా..? అన్న‌ది కూడా ప‌ట్టించుకోవ‌డం లేదు. చేను క‌న‌బ‌డ‌డం లేదు, రోడ్డు పోయింద‌ని కంప్లైట్ ఇవ్వ‌డం మ‌నం చూశాం. తాజాగా ఓ రైతు త‌న నాలుగు ఆవులు పాలు ఇవ్వ‌డం లేద‌ని ఆరోపిస్తూ వాటిపై పోలీసుల‌కు ఫిర్యాదు చేశాడు. ఈ ఘ‌ట‌న క‌ర్ణాట‌క రాష్ట్రం శివమొగ్గ జిల్లాలోని భద్రావతి తాలూకాలోని హళెహోన్నూరు పోలీస్‌స్టేషన్‌ పరిధిలో చోటుచేసుకుంది.

వివ‌రాల్లోకి వెళితే.. సిద్లిపురా గ్రామానికి చెందిన ఓ రైతు తన నాలుగు ఆవులకు మేత అందిస్తున్నప్పటికీ గత నాలుగు రోజులుగా పాలు ఇవ్వడం లేదని ఆరోపిస్తూ వాటిపై హళెహోన్నూరు పోలీస్‌స్టేషన్ లో ఫిర్యాదు చేశాడు. ప్ర‌తి రోజు ఉద‌యం 8 గంట‌ల నుంచి 11 గంట‌ల వ‌ర‌కు మ‌ళ్లీ సాయంత్రం నాలుగు గంట‌ల నుంచి 6 గంట‌ల వ‌ర‌కు నాలుగు ఆవుల‌కు మేత కోసం వ్య‌వ‌సాయ పొలాల‌కు తీసుకెలుతున్న‌ట్లు ఫిర్యాదులో పేర్కొన్నాడు.

కాగా.. గ‌త నాలుగు రోజులుగా ఆవులు పాలు ఇవ్వ‌డం లేదు. కాబ‌ట్టి పోలీసులు త‌ప్ప‌కుండా పాలు ఇచ్చేలా ఆవుల‌ను ఒప్పించాల‌ని అందులో పేర్కొన్నాడు. ఆ ఫిర్యాదును చూసిన పోలీసులు నివ్వెర‌పోయారు. ఇలాంటి కేసులు న‌మోదు చేయ‌లేమ‌ని.. అత‌డికి న‌చ్చ‌జెప్పి పంపించారు. కాగా.. ప్ర‌స్తుతం ఈ ఫిర్యాదు సోష‌ల్ మీడియాలో వైర‌ల్‌గా మారింది. దీనిపై నెటీజ‌న్లు త‌మదైన శైలిలో కామెంట్లు పెడుతున్నారు. ప‌శువుల వైద్యుడికి చూపించ‌మ‌ని కామెంట్లు పెడుతున్నారు.

Next Story
Share it