దేశ వ్యాప్తంగా కరోనా వైరస్ వ్యాప్తితో ఉబర్, ఓలా క్యాబ్స్ సర్వీస్ సంస్థలు అప్రమత్తమయ్యాయి. కరోనా వైరస్ ను కట్టడి చేయడంలో భాగంగా ఓ కీలక నిర్ణయాన్ని తీసుకున్నాయి. సామాజిక దూరాన్ని పాటించడం ద్వారానే కరోనాను కట్టడి చేయగలమన్న కేంద్ర ప్రభుత్వ నిబంధనల దృష్ట్యా పూల్ రైడ్ లేదా పూల్ సర్వీస్ సదుపాయాలను తాత్కాలికంగా రద్దు చేస్తున్నట్లుగా ఈ క్యాబ్ సర్వీస్ సంస్థలు తెలిపాయి. కరోనా వైరస్ అదుపులోకి వచ్చేంతవరకూ ఒక కారులో ఒకరు లేదా..ఒక కుటుంబానికి మాత్రమే ప్రయాణించాలి. స్నేహితులు, బయటి వ్యక్తులతో కలిసి కారులో ప్రయాణించడంపై నిషేధాన్ని అమలు చేశాయి.

Also Read : ఏపీలో పెట్రోల్ బంక్ లు మూసివేత

కొద్దిరోజులుగా కరోనా ప్రభావంతో పూల్ సర్వీస్ లకు డిమాండ్ బాగా తగ్గిపోయిందని పేర్కొన్నాయి ఈ రెండు సంస్థలు. క్యాబ్ కస్టమర్లు తమ ప్రయాణాన్ని ఇతరులతో కలిసి చేసేందుకు ఏ మాత్రం ఇష్టపడటం లేదని, అందుకే పూల్ రైడ్ ను రద్దుచేస్తున్నట్లు పేర్కొన్నాయి. ప్రభుత్వం సూచనలతో ప్రజలు బయటికి రావట్లేదని..తత్ఫలితంగా క్యాబ్ లకు డిమాండ్ బాగా తగ్గినట్లు పరిశ్రమల వర్గాలు అభిప్రాయపడ్డాయి.

Also Read : ఉచితంగా శ్రీవారి లడ్డూలు..

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.