నితిన్‌ కొత్త చిత్రానికి ఆసక్తికర టైటిల్‌
By తోట వంశీ కుమార్‌ Published on 1 Oct 2020 12:41 PM GMT
'భీష్మ' చిత్రంతో ఈ ఏడాది మంచి హిట్‌ అందుకున్నాడు యంగ్‌ హీరో నితిన్‌. ప్రస్తుతం ఆయన నటిస్తున్న రంగ్‌దే సినిమా షూటింగ్‌ ఫైనల్‌ స్టేజ్‌కు చేరుకుంది. వెంకీ అట్లూరి దర్శకత్వంలో తెరకెక్కుతున్న ఈ చిత్రంలో కీర్తి సురేశ్‌ కథానాయికగా నటిస్తోంది. ఇక వైవిద్య కథా చిత్రాల దర్శకుడు చంద్రశేఖర్‌ యేలేటి దర్శతక్వంలో నితిన్‌ ఓ సినిమా చేయనున్న సంగతి తెలిసిందే.
గురువారం ఈ సినిమాకి సంబంధించి ప్రీలుక్‌-టైటిల్‌ను స్టార్‌ డైరెక్టర్‌ కొరటాల శివ రిలీజ్‌ చేశారు. ఈ చిత్రానికి 'చెక్‌' అనే టైటిల్‌ను ఖరారు చేశారు. ‘నాకు ఇష్టమైన దర్శకుడు చంద్రశేఖర యేలేటి, హీరో నితిన్‌ల కొత్త సినిమా ప్రీ లుక్‌ను ప్రారంభించినందుకు సంతోషంగా ఉంది’ అంటూ ట్వీట్‌ చేశారు కొరటాల. ప్రీలుక్‌లో నితిన్‌ చేతికి సంకెళ్లు ఉండగా.. టేబుల్‌పై చదరంగం పావులు, కంచె ఉన్నాయి. మరి ఈ చదరంగం ఆటలో ఎవరు ఎలాంటి పావులు కదిపారు..? ఎవరు చెక్‌మేట్‌ చెప్పారు..? వంటి విషయాలు తెలియాలంటే ఇంకొన్ని రోజులు ఆగాల్సిందే. భవ్య క్రియేషన్స్‌ పతాకంపై వి.ఆనంద్‌ ప్రసాద్‌ ఈసినిమాను నిర్మిస్తున్నారు. ఈ చిత్రంలో నితిన్‌ సరసన రకుల్‌ ప్రీత్‌ సింగ్‌, ప్రియా ప్రకాష్‌ వారియర్‌ హీరోయిన్లుగా నటిస్తున్నారు.
