తెలంగాణలో మరో రెవెన్యూ డివిజన్

తెలంగాణ ప్రభుత్వం మరో కీలక నిర్ణయం తీసుకుంది. కొత్తగా మరో రెవెన్యూ డివిజన్‌ను ఏర్పాటు చేస్తూ ఉత్తర్వులు జారీ చేసింది. రాజన్న సిరిసిల్ల జిల్లాలోఆరు మండలాలతో కొత్తగా వేములవాడ రెవెన్యూ డివిజన్‌ను ఏర్పాటు చేస్తున్నట్లు ప్రకటించింది.

ఈ కొత్త డివిజన్‌తో వేములవాడ, వేములవాడ రూరల్‌, రుద్రంగి, చందుర్తి, బోయిన్‌పల్లి, కోనారావుపేట మండలాలు ఈ డివిజన్‌ పరిధిలోకి రానున్నాయి. కొత్త రెవెన్యూ డివిజన్‌కు సంబంధించిన ఉత్తర్వులను ప్రభుత్వ ప్రధాన కార్యదర్శి సోమేశ్‌ కుమార్‌ ఈ ఉత్తర్వులు జారీ చేసింది. ఇప్పటికే రాష్ట్రంలో 71 రెవెన్యూ డివిజన్లు ఉండగా, తాజాగా వేములవాడ రెవెన్యూ డివిజన్‌తో వీటి సంఖ్య 72కు చేరనుంది. ప్రభుత్వం తీసుకున్న నిర్ణయంపై వేములవాడ ప్రాంత ప్రజలు హర్షం వ్యక్తం చేస్తున్నారు.