గురుద్వారాలో అపవిత్ర ఘటన.. ఎవరినీ విడిచిపెట్టబోమన్న సీఎం

పంజాబ్‌లోని మొరిండాలోని కొత్వాలీ సాహిబ్ గురుద్వారా అపవిత్ర ఘటన వీడియో సోషల్ మీడియాలో కనిపించడంతో పంజాబ్ ముఖ్యమంత్రి భగవంత్ మాన్ చర్య తీసుకుంటామని హామీ ఇచ్చారు. వీడియోలో.. ఒక సిక్కు వ్యక్తి మొరిండాలోని గురుద్వారా కొత్వాలి సాహిబ్ గర్భగుడిలోకి ప్రవేశించి, ఇద్దరు గ్రాంథిలను (పూజారి) కొట్టడం. గురు గ్రంథ్ సాహిబ్‌ను అపవిత్రం చేయడం కనిపించింది.నిందితుడిని జస్వీర్ సింగ్‌గా గుర్తించారు. మరో వీడియో.. గురుద్వారాలో ఉన్న భక్తులు జస్వీర్‌ సింగ్‌ను కొట్టి చంపినట్లు చూపించింది. అనంతరం అతడిని పోలీసులకు అప్పగించి ఎఫ్‌ఐఆర్‌ నమోదు చేశారు.

బిజెపి నాయకుడు మంజిందర్ సింగ్ సిర్సా ఈ సంఘటన యొక్క వీడియోను ట్వీట్ చేశారు. యువకులు మొదట్లో గ్రంథిపై దాడి చేసి గురు గ్రంథ్ సాహిబ్‌ను అపవిత్రం చేశారని అన్నారు. పంజాబ్‌లోని భగవంత్ మాన్ నేతృత్వంలోని ఆప్ ప్రభుత్వం "అధర్మాన్ని" ప్రోత్సహిస్తోందని సిర్సా తన ట్వీట్‌లో ఆరోపించారు. వీడియో వైరల్ కావడంతో స్పందించిన పంజాబ్‌ సీఎం భగవంత్‌ మాన్.. చర్యకు హామీ ఇచ్చారు. ఎవరినీ విడిచిపెట్టబోమని చెప్పారు.

"మొరిండాలోని గురుద్వారా కొత్వాలి సాహిబ్‌లో జరిగిన సంఘటన అత్యంత ఖండనీయమైనది. ఎవరూ విడిచిపెట్టబడరు. ఎవరైనా దైవదూషణ చర్యకు పాల్పడితే కఠినంగా శిక్షించబడతారు" అని ముఖ్యమంత్రి ట్వీట్‌లో పేర్కొన్నారు. పంజాబ్‌ మాజీ ముఖ్యమంత్రి, బీజేపీ నేత కెప్టెన్‌ అమరీందర్‌ సింగ్‌ ఈ ఘటనను ఖండిస్తూ పంజాబ్‌ పోలీసులు నిందితుడిని అరెస్టు చేసి కఠినంగా శిక్షించాలని కోరారు. శిరోమణి గురుద్వారా పర్బంధక్ కమిటీ (ఎస్‌జిపిసి) చీఫ్ హర్జిందర్ సింగ్ ధామి ఒక ప్రకటనలో గురు గ్రంథ్ సాహిబ్ సిక్కుల పట్ల అత్యంత గౌరవప్రదమైనదని, అపవిత్ర సంఘటనలు ఆగకపోవడం విచారకరమని అన్నారు.

"ఈ సంఘటన వెనుక ఉన్న శక్తులను వెలుగులోకి తీసుకురావడానికి ఈ విషయాన్ని దర్యాప్తు చేయాలి.ఈ విషయాన్ని ప్రభుత్వం, పోలీసులు కప్పిపుచ్చడానికి ప్రయత్నిస్తే, మంచిది కాదు" అని ధామి అన్నారు.