ప్రముఖ టీవీ యాంకర్‌, నటి కన్నుమూత

ప్రముఖ టీవీ యాంకర్‌ గీతాంజలి అయ్యర్‌ కన్నుమూశారు. దూరదర్శన్‌లో మొట్టమొదటి ఆంగ్ల వార్తా సమర్పకులలో ఆమె ఒకరు. 30 సంవత్సరాలకు పైగా జాతీయ ప్రసారకర్తలలో వార్తలను అందించిన గీతాంజలి అయ్యర్.. బుధవారం, జూన్ 7న మరణించారు. ఆమె 1971లో దూరదర్శన్‌లో చేరి అవార్డును పొందారు. దశాబ్దాల కెరీర్‌లో నాలుగు సార్లు ఉత్తమ యాంకర్‌గా నిలిచింది. ఆమె విశిష్టమైన పని, విజయాలు, సహకారం పట్ల 1989లో అత్యుత్తమ మహిళలకు ఇందిరా గాంధీ ప్రియదర్శిని అవార్డును గెలుచుకుంది. ఆమె భారతదేశంలోని వరల్డ్ వైడ్ ఫండ్‌లో మేజర్ డోనర్స్ హెడ్‌గా ఉన్నారు.

గీతాంజలి అయ్యర్ ఇంగ్లీష్‌లో అండర్ గ్రాడ్యుయేట్ డిగ్రీ పూర్తి చేసిన తర్వాత కోల్‌కతాలోని లోరెటో కాలేజీ నుండి పట్టభద్రురాలైంది. ఆమె నేషనల్ స్కూల్ ఆఫ్ డ్రామా నుండి డిప్లొమా కూడా చేసింది. దూరదర్శన్‌లో న్యూస్ ప్రెజెంటర్‌గా ఆమె విజయవంతమైన కెరీర్ తర్వాత, గీతాంజలి కార్పొరేట్ కమ్యూనికేషన్స్, ప్రభుత్వ అనుసంధానం, మార్కెటింగ్‌లోకి ప్రవేశించింది. ఆమె కాన్ఫెడరేషన్ ఆఫ్ ఇండియన్ ఇండస్ట్రీ (CII)లో కన్సల్టెంట్‌గా మారింది. "ఖందాన్"తో పాటు పలు సీరియళ్లలో కూడా నటించింది.