చేయని తప్పుకు.. 8 నెలల తర్వాత విడుదలైన పావురం

గూఢచర్యం కోసం చైనీయులు ఉపయోగించినట్లు అనుమానించి బంధించిన పావురాన్ని ఎనిమిది నెలల తర్వాత వదిలిపెట్టారు. ఆ పావురం వెటర్నరీ ఆసుపత్రిలో కస్టడీలో ఇన్నాళ్లూ ఉంది. 2023 మేలో ముంబైలోని చెంబూరు పీర్ పావు జెట్టీ దగ్గర ఆర్ఎఫ్సీ పోలీసులు పావురాన్ని పట్టుకున్నారు. అనుమానాస్పదంగా కనిపించిన ఈ పావురానికి రెండు ఉంగరాలు గుర్తించారు. రాగి, అల్యూమినియం రింగ్స్ పావురం కాలికి ఉంచారు. పావురం రెక్కల కింది భాగంలో చైనీస్ లో సందేశం ఉండడంతో గూఢచర్యం అనుమానాలు వచ్చాయి. దీనిపై గతంలో ఆర్ఎఫ్ సి పోలీసులు కేసు నమోదు చేశారు. విచారణ పూర్తయ్యాక గూఢచర్యం కేసుని ఎత్తివేశారు.