ఆపరేషన్ సింధూర్ ఇంకా కొనసాగుతోంది: ఐఏఎఫ్‌
జమ్మూకశ్మీర్‌లోని పహల్గామ్‌లో పాకిస్తాన్ మద్దతుగల ఉగ్రవాదులు చేసిన దారుణమైన దాడికి ప్రతిగా ప్రారంభించిన ఆపరేషన్ సింధూర్ ఇంకా కొనసాగుతోందని భారత వైమానిక దళం (IAF) ఆదివారం తెలిపింది.
By అంజి
ఆపరేషన్ సింధూర్ ఇంకా కొనసాగుతోంది: ఐఏఎఫ్‌
జమ్మూకశ్మీర్‌లోని పహల్గామ్‌లో పాకిస్తాన్ మద్దతుగల ఉగ్రవాదులు చేసిన దారుణమైన దాడికి ప్రతిగా ప్రారంభించిన ఆపరేషన్ సింధూర్ ఇంకా కొనసాగుతోందని భారత వైమానిక దళం (IAF) ఆదివారం తెలిపింది. అమెరికా అధ్యక్షుడు డొనాల్డ్ ట్రంప్ న్యూఢిల్లీ, ఇస్లామాబాద్ మధ్య కాల్పుల విరమణ ప్రకటించిన ఒక రోజు తర్వాత కూడా ఈ ఆపరేషన్ కొనసాగుతోందని భారత వైమానిక దళం ప్రకటించింది.
"ఆపరేషన్లు ఇంకా కొనసాగుతున్నందున, సకాలంలో వివరణాత్మక బ్రీఫింగ్ నిర్వహించబడుతుంది. ధృవీకరించని సమాచారం యొక్క ఊహాగానాలు, వ్యాప్తికి దూరంగా ఉండాలని ఐఏఎఫ్‌ అందరినీ కోరుతుంది" అని ఐఏఎఫ్‌ తన అధికారిక హ్యాండిల్‌లో Xలో ప్రకటించింది.
"ఆపరేషన్ సింధూర్‌లో భారత వైమానిక దళం (IAF) తనకు కేటాయించిన పనులను ఖచ్చితత్వం, వృత్తి నైపుణ్యంతో విజయవంతంగా నిర్వర్తించింది. జాతీయ లక్ష్యాలకు అనుగుణంగా ఉద్దేశపూర్వకంగా, వివేకంతో కార్యకలాపాలు జరిగాయి" అని ట్వీట్‌లో పేర్కొన్నారు. రెండు అణ్వాయుధ దేశాల మధ్య శాంతి ఒప్పందానికి తాము మధ్యవర్తిత్వం వహించామని అమెరికా ప్రకటించిన ఒక రోజు తర్వాత ఐఏఎఫ్‌ ఈ విషయాన్ని వెల్లడించింది.
