ఇక మైసూర్ 'పాక్' కాదు.. మైసూర్ శ్రీ
భారతదేశం, పాకిస్తాన్ మధ్య ఉద్రిక్తతల నడుమ జైపూర్‌లోని మిఠాయి తయారీదారులు తాము విక్రయించే స్వీట్ల పేర్ల నుండి 'పాక్' అనే పదాన్ని తొలగించడం ప్రారంభించారు.
By Medi Samrat
భారతదేశం, పాకిస్తాన్ మధ్య ఉద్రిక్తతల నడుమ జైపూర్‌లోని మిఠాయి తయారీదారులు తాము విక్రయించే స్వీట్ల పేర్ల నుండి 'పాక్' అనే పదాన్ని తొలగించడం ప్రారంభించారు. కొన్ని స్వీట్ల పేర్లలో 'పాక్' అనే పదాన్ని ఇప్పుడు శ్రీ లేదా భారత్ వంటి పదాలతో భర్తీ చేస్తున్నారు.
గతంలో మోతీ పాక్, ఆమ్ పాక్, గోండ్ పాక్, మైసూర్ పాక్ అని పిలిచే ప్రసిద్ధ రుచికరమైన వంటకాల పేర్లు ఇప్పుడు మోతీ శ్రీ, ఆమ్ శ్రీ, గోండ్ శ్రీ, మైసూర్ శ్రీ పేర్లతో అమ్ముడవుతున్నాయి. అలాగే, బికనేరి మోతీ పాక్ ఇప్పుడు బికనేరి మోతీ శ్రీ, చండీ భస్మ పాక్ ఇప్పుడు చండీ భస్మ శ్రీ, స్వర్ణ భస్మ పాక్‌ను స్వర్ణ భస్మ శ్రీగా వినియోగదారులకు అందిస్తున్నారు. 'పాక్' అనే పదం తమకు పాకిస్తాన్‌ను గుర్తుకు తెస్తుందని, ప్రస్తుత పరిస్థితిని బట్టి చూస్తే అది తమ మనోభావాలను దెబ్బతీస్తుందని కస్టమర్లు చెబుతూ ఉండడంతో స్వీట్ల పేర్లలో మార్పు జరిగిందని దుకాణదారులు చెబుతున్నారు.
