దారుణం.. మహిళను ఈడ్చిపారేసిన సెక్యూరిటీ గార్డు

Mentally ill woman dragged out of the hospital by a security guard.మాన‌వ‌త్వం చ‌చ్చిపోతోంది. మ‌తిస్థిమితం లేని ఓ మ‌హిళ ప‌ట్ల సెక్యూరిటీ గార్డు క‌ర్క‌శంగా ప్ర‌వ‌ర్తించాడు.

By తోట‌ వంశీ కుమార్‌  Published on  21 Feb 2021 5:05 AM GMT
Mentally ill woman dragged out of hospital by security guard

మాన‌వ‌త్వం చ‌చ్చిపోతోంది. మ‌తిస్థిమితం లేని ఓ మ‌హిళ ప‌ట్ల సెక్యూరిటీ గార్డు క‌ర్క‌శంగా ప్ర‌వ‌ర్తించాడు. ఆమెకు స‌హాయం చేయాల్పింది పోయి ఆస్ప‌త్రి లోప‌లి నుంచి గేటు వ‌ర‌కు మ‌హిళ చేయి ప‌ట్టుకుని ఈడ్చుకుంటూ వ‌చ్చి ప‌డేశాడు. మ‌ధ్య‌లో బుర‌ద ఉన్న‌ప్ప‌టికి ఆమెను అందులోంచే లాక్కెల్లాడు. ఈ అమానుష ఘ‌ట‌న మ‌ధ్య‌ప్ర‌దేశ్‌లోని ఖ‌ర్‌గోన్ జిల్లా ఆస్ప‌త్రిలో జ‌రిగింది. ప్ర‌స్తుతం ఈ ఘ‌ట‌న‌కు సంబంధించిన ఫోటోలు, వీడియోలు సోష‌ల్ మీడియాలో వైర‌ల్‌గా మారాయి. ప్ర‌భుత్వాసుప‌త్రిపై నెటీజ‌న్లు దుమ్మెత్తిపోస్తున్నారు.

మధ్యప్రదేశ్‌లోని ఖర్‌గోన్‌ జిల్లా ఆస్పత్రికి గురువారం ఓ మ‌హిళను ఎవ‌రో తీసుకొచ్చి అక్క‌డ వ‌దిలివేసి వెళ్లిపోయారు. ఆమెకు మ‌తిస్థిమితం స‌రిగా లేదు. ఆ మ‌హిళ‌కు డాక్ట‌ర్లు చికిత్స‌ అందించేందుకు నిరాక‌రించారు. ఆస్ప‌త్రి సెక్యూరిటీ గార్డు ఆమ‌హిళ‌ను 300 మీట‌ర్ల దూరం లాక్కెళ్లి గేటు బ‌య‌ట ప‌డేశాడు. మ‌ధ్య‌లో బుర‌ద‌లోనూ అలాగే ఈడ్చుకెళ్లాడు. ఈ ఘ‌ట‌న మొత్తాన్ని ఎవ‌రో వీడియో తీసి సోష‌ల్ మీడియాలో పోస్ట్ చేశారు. ఈ వీడియో వైర‌ల్ కావ‌డంతో.. అధికారులు స్పందించి దారుణానికి పాల్పడిన సెక్యూరిటీ గార్డును ఉద్యోగం నుంచి తొలగించారు. అయితే ఆమె పట్ల ఎందుకంతా అమానుషంగా ప్రవర్తించాడో చెప్పేందుకు వారు నిరాకరించారు. ఆస్ప‌త్రి సిబ్బంది సూచ‌న‌ల‌తోనే గార్డు ఇలా చేసిన‌ట్లు తెలుస్తోంది.




Next Story
Share it