చరిత్రలో ఫస్ట్‌ టైం.. అధికారిక రికార్డుల్లో పురుషుడిగా మారిన మహిళా అధికారి

హైదరాబాద్: సివిల్ సర్వీసెస్ చరిత్రలో మొదటిసారిగా, ..హైదరాబాద్‌లో జాయింట్ కమిషనర్‌గా నియమితులైన 2013 బ్యాచ్ IRS అధికారి యొక్క పేరు, లింగం మార్పిడికి ప్రభుత్వం అనుమతి తెలిపింది. అధికారి Ms M అనుసూయ నుండి Mr M. అనుకతిర్‌ సూర్యగా పేరు, లింగం రెండింటినీ మార్చడానికికి ఆర్థిక మంత్రిత్వ శాఖ అనుమతిని మంజూరు చేసింది.

కస్టమ్స్ అండ్‌ పరోక్ష పన్నుల (C&IT) శాఖ అధికారి అనుకతీర్.. ప్రస్తుతం హైదరాబాద్‌లోని చీఫ్ కమిషనర్ (AR), కస్టమ్స్ ఎక్సైజ్ & సర్వీస్ టాక్స్ అప్పిలేట్ ట్రిబ్యునల్ (CESTAT) కార్యాలయంలో జాయింట్ కమిషనర్‌గా పనిచేస్తున్నారు. తన పేరును Mr. M.అనుకతిర్ సూర్యగా, తన లింగాన్ని స్త్రీ నుండి మగగా మార్చాలని అధికారి అభ్యర్థించారు.

శ్రీమతి అనుసూయ అభ్యర్థనను ప్రభుత్వం పరిశీలించింది. ఇక నుండి, అధికారి అన్ని అధికారిక రికార్డులలో "మిస్టర్ M.అనుకతిర్ సూర్య"గా గుర్తించబడతారు.

తమిళనాడుకు చెందిన అనుకతీర్ మద్రాస్ ఇన్‌స్టిట్యూట్ ఆఫ్ టెక్నాలజీ నుండి ఎలక్ట్రానిక్స్ అండ్ కమ్యూనికేషన్‌లో బ్యాచిలర్ డిగ్రీని పొందారు. అతను 2023లో భోపాల్‌లోని నేషనల్ లా ఇన్‌స్టిట్యూట్ యూనివర్శిటీ నుండి సైబర్ లా అండ్ సైబర్ ఫోరెన్సిక్స్‌లో పీజీ డిప్లొమా కూడా పూర్తి చేశాడు. చెన్నైలోని సెంట్రల్ బోర్డ్ ఆఫ్ C&ITలో అసిస్టెంట్ కమిషనర్‌గా తన కెరీర్‌ను ప్రారంభించి, 2018లో డిప్యూటీ కమిషనర్‌గా పదోన్నతి పొందాడు. 2023లో అతను హైదరాబాద్‌లోని CESTATలో చేరాడు.