భార‌త్ క‌రోనా అప్‌డేట్‌.. స్వ‌ల్పంగా త‌గ్గిన కేసులు

దేశంలో క‌రోనా వ్యాప్తి కొన‌సాగుతూనే ఉంది. నిన్న‌టితో పోలిస్తే నేడు కేసుల సంఖ్య స్వ‌ల్పంగా త‌గ్గింది. గ‌డిచిన 24 గంట‌ల్లో 11,35,142 మంది క‌రోనా శాంపిళ్ల‌ను ప‌రీక్షించ‌గా.. 12,830 పాజిటివ్ కేసులు న‌మోదు అయిన‌ట్లు ఆదివారం ఉద‌యం విడుద‌ల చేసిన బులిటెన్‌లో కేంద్ర ఆరోగ్య శాఖ తెలిపింది. దేశంలో మొత్తం కేసుల సంఖ్య‌ 3,42,73,300కి చేరింది. నిన్న ఒక్క రోజే 446 మంది మ‌ర‌ణించారు. దేశంలో క‌రోనా మ‌హ‌మ్మారి వ్యాప్తి మొద‌లైన‌ప్ప‌టి నుంచి ఇప్ప‌టి వ‌ర‌కు మ‌ర‌ణించిన‌ వారి సంఖ్య 4,58,186కి చేరింది. నిన్న 14,667మంది కోలుకున్నారు.

ఇప్ప‌టి వ‌ర‌కు వైర‌స్‌ను జ‌యించిన వారి సంఖ్య 3,36,55,842కి చేరింది. ప్ర‌స్తుతం దేశంలో 1,59,272 యాక్టివ్ కేసులు ఉన్నాయి. జాతీయ రికవరీ రేటు 98.20 శాతానికి చేరింద‌ని కేంద్ర ఆరోగ్య శాఖ వెల్లడించింది. దేశంలో జ‌న‌వ‌రి 16న ప్రారంభ‌మైన వ్యాక్సినేష‌న్ కార్య‌క్ర‌మం శ‌ర‌వేగంగా కొన‌సాగుతోంది. ఇప్ప‌టి వ‌ర‌కు 1,06,14,40,335 కోట్ల డోసుల‌ను పంపిణీ చేశారు. కేర‌ళ‌లో నిన్న ఒక్క రోజే 7,427 పాజిటివ్ కేసులు న‌మోదు కాగా.. 62 మంది ప్రాణాలు కోల్పోయారు.