360 కేజీల పేలుడు సామాగ్రి కేసులో కొత్త ట్విస్ట్.. ఆ ఉగ్రవాదికి మహిళా డాక్టర్‌తో లింకు..!

హర్యానాలోని ఫరీదాబాద్ జిల్లాలోని అల్ఫాలా యూనివర్సిటీ కాలేజీ నుంచి 10 రోజుల క్రితం అరెస్టయిన ఉగ్రవాది ముజమ్మిల్ కేసులో ఇప్పుడు కొత్త ట్విస్ట్ వెలుగుచూసింది. టెర్రరిస్ట్ ముజమ్మిల్‌కి ఓ లేడీ డాక్టర్‌తో సంబంధం ఉంది. ఉగ్రవాది ముజమ్మిల్‌ నడుపుతున్న కారు ఈ మహిళా డాక్టర్‌దేనని విచారణలో తేలింది. వాహనం నంబర్ వెల్లడించిన తర్వాత మహిళా డాక్టర్ స్వయంగా జమ్మూ పోలీసులను ఆశ్రయించినట్లు చెబుతున్నారు. జమ్మూ కాశ్మీర్ పోలీసులు మహిళా డాక్టర్‌ను విచారిస్తున్నారు.

ఉగ్రవాది ముజమ్మిల్ ఫతేపూర్ టాగా రోడ్డులోని ఓ ఇంట్లో అద్దెకు ఉంటున్నాడు. సోమవారం అతని సమాచారం మేరకు పోలీసులు గదిలో నుండి 360 కిలోల పేలుడు పదార్థాన్ని స్వాధీనం చేసుకున్నారు. అది అమ్మోనియం నైట్రేట్ గా గుర్తించారు. ఇది కాకుండా ఒక కెనాన్‌క్యాప్ రైఫిల్, ఐదు మ్యాగజైన్‌లు, ఒక పిస్టల్, పెద్ద మొత్తంలో కాట్రిడ్జ్‌లు స్వాధీనం చేసుకున్నారు. ఎనిమిది పెద్ద సూట్‌ కేసులు, నాలుగు చిన్న సూట్‌ కేసులు, బకెట్‌, బ్యాటరీలతో కూడిన టైమర్‌, రిమోట్‌, వాకీటాకీ సెట్‌, విద్యుత్‌ తీగ తదితర వస్తువులు స్వాధీనం చేసుకున్నారు.

ఈ ఇంటిలో పోలీసులు ఇంకా విచారిస్తున్నారని చెప్పారు. ఇదే విషయమై ఇంటి యజమానిని కూడా విచారిస్తున్నారు. విచారణలో య‌జ‌మాని కొన్ని ముఖ్యమైన విషయాలను వెల్లడించవచ్చని భావిస్తున్నారు. మరోవైపు ఉగ్రవాది ముజమ్మిల్ బోధిస్తున్న కాలేజీకి కూడా పోలీసు బృందం చేరుకుంది. ప్రస్తుతం పోలీసులు కళాశాల సిబ్బందిని విచారిస్తున్నారు. మీడియా సిబ్బందిని కూడా కాలేజీలోకి రాకుండా అడ్డుకున్నారు.