శ్రీనగర్ లో గ్రెనేడ్ దాడి

జమ్మూ కశ్మీర్‌లోని శ్రీనగర్‌లో గ్రెనేడ్ దాడి జరిగింది. ఆదివారం మార్కెట్‌లో జరిగిన ఉగ్రదాడిలో కనీసం ఆరుగురు గాయపడ్డారు. ప్రాథమిక నివేదికల ప్రకారం, ఆదివారం మార్కెట్‌లోని రద్దీగా ఉండే టూరిస్ట్ రిసెప్షన్ సెంటర్ (టిఆర్‌సి)పై ఉగ్రవాదులు గ్రెనేడ్‌ విసరడంతో ఆరుగురు గాయపడ్డారు.

శ్రీనగర్ సండే మార్కెట్ ఉగ్రదాడిపై జరిగిన దాడిలో మరణాలు సంభవించినట్లుగా ఇప్పటి వరకూ ఎలాంటి నివేదికలు లేవు. సండే మార్కెట్ శ్రీనగర్ నగరం నడిబొడ్డున లాల్ చౌక్‌లోని టిఆర్‌సికి సమీపంలో రహదారి పక్కనే ఉంటుంది.

శ్రీనగర్ డౌన్‌టౌన్‌లోని ఖన్యార్ ప్రాంతంలో లష్కరే తోయిబా (ఎల్‌ఈటీ)కి చెందిన టాప్ పాకిస్తానీ కమాండర్‌ను భద్రతా దళాలు అంతమొందించిన ఒక రోజు తర్వాత TRC సమీపంలో ఈ దాడి జరిగింది. ఈ ఘటన జరిగిన వెంటనే వైద్య బృందాలతో పాటు భద్రతా బలగాలు ఘటనాస్థలికి చేరుకున్నాయి.