కర్ణాటక మాజీ సీఎం కుమారస్వామికి అస్వస్థత.. ఆస్పత్రికి తరలింపు

జ్వరం, అలసటతో మాజీ ముఖ్యమంత్రి హెచ్‌డి కుమారస్వామి శనివారం రాత్రి బెంగళూరులోని ఓ ప్రైవేట్ ఆసుపత్రిలో చేరారు.

By అంజి
Published on : 23 April 2023 9:00 AM IST

Former Karnataka CM, HD Kumaraswamy, JDS, Karnataka Polls

కర్ణాటక మాజీ సీఎం కుమారస్వామికి అస్వస్థత.. ఆస్పత్రికి తరలింపు

బెంగళూరు: జ్వరం, అలసటతో మాజీ ముఖ్యమంత్రి హెచ్‌డి కుమారస్వామి శనివారం రాత్రి బెంగళూరులోని ఓ ప్రైవేట్ ఆసుపత్రిలో చేరారు. భయాందోళన చెందాల్సిన అవసరం లేదని, విశ్రాంతి తీసుకున్న తర్వాత ప్రచారాన్ని కొనసాగిస్తానని కుమారస్వామి మీడియా ప్రకటనలో తెలిపారు. ఎన్నికల ప్రచారంలో బిజీ బిజీగా ఉన్న కుమారస్వామి.. అలసట, తర్వాత జ్వరం లక్షణాలు కనిపించాయని వైద్యులు చెప్పారు. మే 10న జరగనున్న అసెంబ్లీ ఎన్నికల కోసం రాష్ట్రవ్యాప్తంగా జరిగిన పార్టీ ప్రచారానికి JD(S) నాయకుడు "ఒక్క చేతితో" నాయకత్వం వహిస్తున్నారు.

అతనికి చిన్న ఊపిరితిత్తుల ఇన్ఫెక్షన్‌ను కూడా అయ్యింది. అదీ డస్ట్ అలెర్జీ వల్ల ప్రభావితమైనట్లు చెప్పబడింది. మాజీ ముఖ్యమంత్రి జ్వరం లక్షణాలతో ఆసుపత్రిలో చేరారు. తన మద్దతుదారులను, పార్టీ కార్యకర్తలను ఆసుపత్రి ఆవరణలోకి రావద్దని కోరారు. ఆదివారం సాయంత్రంలోగా డిశ్చార్జి అయ్యే అవకాశం ఉందని ఆయన సన్నిహిత వర్గాలు తెలిపాయి. కుమారస్వామికి గతంలో గుండె శస్త్రచికిత్స జరగడంతో ఆయన ఆరోగ్యంపై పార్టీ కార్యకర్తలు, కుటుంబ సభ్యులు ఆందోళన చెందుతున్నారు.

Next Story