పార్ల‌మెంట్ భ‌వ‌నంలో అగ్నిప్ర‌మాదం
Fire breaks out in a room inside Parliament House.దేశ రాజ‌ధాని ఢిల్లీలోని పార్ల‌మెంట్ భ‌వ‌నంలో అగ్నిప్ర‌మాదం
By తోట వంశీ కుమార్‌ Published on 1 Dec 2021 6:02 AM GMT
దేశ రాజ‌ధాని ఢిల్లీలోని పార్ల‌మెంట్ భ‌వ‌నంలో అగ్నిప్ర‌మాదం సంభ‌వించింది. ఈ రోజు(బుధ‌వారం) ఉద‌యం 8 గంట‌ల ప్రాంతంలో అగ్నిప్ర‌మాదం చోటు చేసుకున్న‌ట్లు సంబంధిత అధికారులు తెలిపారు. పార్ల‌మెంట్‌లోని 59వ గదిలో మంట‌లు చెల‌రేగాయ‌ని తెలిపారు. పార్ల‌మెంట్ వెలుప‌ల ఉన్న అగ్నిమాప‌క సిబ్బంది వెంట‌నే మంట‌ల‌ను అదుపులోకి తీసుకువ‌చ్చార‌న్నారు. అగ్నిప్ర‌మాదానికి గ‌ల కార‌ణాలు ఇంకా తెలియరాలేద‌ని చెప్పారు. ఈ ఘ‌ట‌న‌లో కొన్ని టేబుళ్లు, కంప్యూట‌ర్లు కాలిపోయిన‌ట్లు తెలుస్తోంది. కాగా.. న‌వంబ‌ర్ 29 నుంచి పార్ల‌మెంట్ శీతాకాల స‌మావేశాలు ప్రారంభ‌మైన సంగ‌తి తెలిసిందే. ఈస‌మావేశాలు డిసెంబ‌ర్ 23 వ‌ర‌కు కొన‌సాగ‌నున్నాయి.
Next Story
