ఈ వీడియో చూస్తే.. ఇక జ‌న్మ‌లో కొత్తిమీర తిన‌రు

ఆరోగ్య‌మే మ‌హాభాగ్యం అన్నారు పెద్ద‌లు. అలాంటి ఆరోగ్యాన్ని కాపాడుకోవ‌డం కోసం ఎన్నో జాగ్ర‌త్త‌లు తీసుకుంటూనే ఉంటాం. అయితే.. మ‌నం ఎన్ని జాగ్ర‌త్త‌లు తీసుకున్నటి కూడా కొంద‌రి కార‌ణంగా అనారోగ్యం పాలుకాక త‌ప్ప‌దు. ఈ వీడియో చూస్తే.. మ‌రోసారి కూర‌గాయాలు కొనాలంటే ఒక‌టి ప‌ది సార్లు ఆలోచిస్తారు. ప్ర‌స్తుతం వంట‌ల్లో కొత్తిమీర వాడకం బాగా పెరిగింది. టేస్ట్ కోస‌మో.. ఆరోగ్యానికి మంచిద‌నో తెలీదు కానీ.. దాదాపు ప్ర‌తి వంట‌లోనూ కొత్తిమీర‌ను వినియోగిస్తున్నారు. అయితే.. ఓ కూర‌గాయల వ్యాపారి త‌న ద‌గ్గ‌ర ఉన్న కోతిమీరను డ్రైనేజీ వాట‌ర్‌తో క‌డిగి.. దాన్నే విక్ర‌యిస్తూ ప్ర‌జ‌ల ప్రాణాల‌తో చెల‌గాటం ఆడాడు. అత‌డు చేసిన నిర్వాకం మొత్తాన్ని ఓ వ్య‌క్తి సోష‌ల్ మీడియాలో పోస్ట్ చేయ‌గా.. అది వైర‌ల్‌గా మారింది. అధికారుల దృష్టికి వెళ్ల‌డంతో అత‌డిపై కేసు న‌మోదు చేశారు.

ఈ ఘ‌ట‌న మ‌ధ్య‌ప్ర‌దేశ్ రాజ‌ధాని భోపాల్‌లో జ‌రిగింది. కొత్తిమీరను మురుగునీటిలో శుభ్రపరిచిన వీడియో కలెక్టర్ అవినాష్ లవనియాకు చేరగా.. దీనిపై ఆయ‌న తీవ్ర ఆహాగ్రం వ్య‌క్తం చేశారు. ఈ వీడియోను త‌న ట్విట‌ర్ ఖాతాలో షేర్ చేస్తూ చ‌ర్య‌లు తీసుకోవాల‌ని పోలీసు అధికారుల‌ను ఆదేశించారు. క‌లెక్ట‌ర్ ఆదేశాల‌తో కేసు న‌మోదు చేసిన పోలీసులు ద‌ర్యాప్తు చేప‌ట్టారు. ఆ కూర‌గాయల వ్యాపారిని ధ‌ర్మేంద్ర గా గుర్తించారు. అత‌డికి ఫోన్ చేస్తే ప్ర‌స్తుతం స్విచ్చాఫ్ వ‌స్తోంది. ప్ర‌స్తుతం అత‌డిని ప‌ట్టుకునే ప‌నిలో ఉన్నారు పోలీసులు. ప్ర‌జ‌ల ప్రాణాల‌తో చెల‌గాటం ఆడుతున్న ఇత‌డిని అంత తేలిక‌గా వ‌ద‌ల‌కూడ‌ద‌ని నెటిజ‌న్లు ఆగ్ర‌హాం వ్య‌క్తం చేస్తున్నారు.