భారత్‌లో పెరుగుతున్న XBB 1.16 వైరస్‌ కేసులు

భారత్‌లో కరోనా కేసులు మళ్లీ పెరుగుతున్నాయి. కరోనా కొత్త వేరియంట్‌ XBB 1.16 వేగంగా వ్యాపిస్తోంది. భారతదేశంలో ముఖ్యంగా గుజరాత్, ఉత్తరప్రదేశ్, మహారాష్ట్రలలో ఈ వేరియంట్‌ కోవిడ్ కేసులను పెరుగుతున్నాయి. ఇన్సాకాగ్‌ రిపోర్టు ప్రకారం.. ఇప్పటి వరకు ఈ రాష్ట్రాల్లో 80 కేసులు నమోదు అయ్యాయి.

కోవిడ్ 19 కేసుల పెరుగుదల

మార్చి 17 నుండి మార్చి 19 వరకు కోవిడ్ 19 యొక్క 1000 కొత్త కేసులు పెరిగాయని కేంద్ర ఆరోగ్య మంత్రిత్వ శాఖ నమోదు చేసింది. ఈ వేరియంట్‌ వేగంగా వ్యాపిస్తుండటంతో ఆందోళన నెలకొంది. గడిచిన 24 గంటల్లో దేశ వ్యాప్తంగా 1,071కి పైగా తాజా కేసులు నమోదయ్యాయి. వీటిల్లో 76 నమూనాల్లో XBB 1.16 వేరియంట్‌ను వైద్యులు గుర్తించారు. అయితే ఈ వేరియంట్‌ పట్ల పెద్దగా ఆందోళన చెందాల్సిన పని లేదని నిపుణులు చెబుతున్నారు.

సీనియర్ కార్డియాలజిస్ట్ డాక్టర్ ముఖర్జీ మదివాడ మాట్లాడుతూ.. '' ఈ వేరియంట్‌ చాలా వేగంగా వ్యాపిస్తుంది. ప్రస్తుతానికి ఆందోళన కలిగిస్తుంది. వ్యాధి తీవ్రతను తెలుసుకోవడం చాలా తొందరగా ఉంది. పబ్లిక్, రద్దీగా ఉండే ప్రదేశాలలో మాస్క్ పెట్టుకోవడం తప్పనిసరి చేయడం చాలా ముఖ్యం. ఈ వైరస్‌ వ్యాప్తిని నియంత్రించడానికి ఉత్తమ మార్గం మాస్క్‌లు, చేతి పరిశుభ్రత, దగ్గు రాకుండా, ఆరోగ్య భద్రత ప్రోటోకాల్‌లను అనుసరించడం అవసరం'' అని అన్నారు. బహిరంగ సమావేశాలే కాకుండా క్లోజ్డ్ ఇండోర్ సమావేశాలు కూడా ఆందోళన కలిగిస్తాయి. చిన్న సమూహాలు సమావేశమైనప్పుడు ప్రజలు సరైన జాగ్రత్తలు తీసుకోవాలి, అప్పుడే వైరస్‌ను అడ్డుకోగలుగుతాం అని అన్నారు.

XBB1.16 వేరియంట్‌ వివరాలు

భారతదేశంలో కాకుండా XBB1.16 యునైటెడ్ స్టేట్స్‌లో కూడా కనుగొనబడింది. హార్ట్ కేర్ ఫౌండేషన్ ఆఫ్ ఇండియా ప్రకారం.. యుఎస్‌లో 20, సింగపూర్‌లో 14 కేసులు ఉన్నాయి. భారత్‌ యొక్క హెచ్‌సిఎఫ్‌ఐ సభ్యునిగా ఉన్న వరల్డ్ మెడికల్ అసోసియేషన్ కొత్త వేరియంట్ యొక్క వ్యాప్తిని ట్రాక్ చేయడానికి సౌత్ ఈస్ట్ ఆసియా ప్రాంతంలోని వైద్య సంఘాలతో సన్నిహితంగా సమన్వయం చేస్తోంది. వారు సేకరించిన డేటా వారి సభ్యులందరినీ అప్రమత్తం చేయడంలో సహాయపడుతుంది. ఇది ముందుజాగ్రత్త చర్యలపై ప్రభుత్వాలకు సలహా ఇవ్వడంలో సహాయపడుతుంది. XBB 1.16 చైనాలో కూడా ఉన్నట్లు అనుమానించబడింది, అయితే డేటా అందుబాటులో లేదు కాబట్టి ఖచ్చితమైన సంఖ్యలను గుర్తించడం కష్టం.