దేశవ్యాప్తంగా ఎయిర్‌పోర్ట్‌ టెర్మినళ్లపై ఆడిట్‌: కేంద్ర మంత్రి రామ్మోహన్

ఢిల్లీ ఎయిర్‌పోర్టు టెర్మినల్ రూఫ్ కూలి ఒకరి మృతి, పలువురు గాయపడిన తర్వాత.. దేశవ్యాప్తంగా ఎయిర్‌పోర్టుల టెర్మినళ్లపై ఆడిట్ చేయనున్నట్టు ఏవియేషన్ మంత్రి తెలిపారు.

By అంజి
Published on : 28 Jun 2024 11:00 AM IST

Countrywide audit, Delhi airport, terminal roof collapse, Aviation Minister, Ram Mohan Naidu

దేశవ్యాప్తంగా ఎయిర్‌పోర్ట్‌ టెర్మినళ్లపై ఆడిట్‌: కేంద్ర మంత్రి రామ్మోహన్ 

ఢిల్లీ ఎయిర్‌పోర్టు టెర్మినల్ రూఫ్ కూలి ఒకరి మృతి, పలువురు గాయపడిన తర్వాత.. దేశవ్యాప్తంగా ఎయిర్‌పోర్టుల టెర్మినళ్లపై ఆడిట్ చేయనున్నట్టు ఏవియేషన్ మంత్రి తెలిపారు. ఘటనా స్థలాన్ని రామ్మోహన్‌ నాయుడు సందర్శించారు. క్షతగాత్రులను ఆస్పత్రికి తరలించామని, ప్రమాద ఘటనను స్వయంగా పర్యవేక్షిస్తున్నట్టు మంత్రి తెలిపారు. సహాయక చర్యలు కొనసాగుతున్నాయన్నారు. టెర్మినల్‌ 1 వద్ద ప్రయాణికులందరికీ తగిన ఏర్పాట్లు చేయాలని విమానయాన సంస్థలకు సూచించారు.

ఢిల్లీ విమానాశ్రయంలోని టెర్మినల్ 1 వద్ద కూలిపోయి ఒకరు మృతి చెందిన పైకప్పు 2008-09 కాలంలో నిర్మించబడిందని పౌర విమానయాన శాఖ మంత్రి రామ్ మోహన్ నాయుడు కింజరాపు శుక్రవారం తెలిపారు. ఈ ఏడాది మార్చిలో ప్రధాని నరేంద్ర మోదీ ప్రారంభించిన ఇందిరాగాంధీ అంతర్జాతీయ విమానాశ్రయం విస్తరించిన టెర్మినల్ 1లో భాగమే కూలిపోయిందని కాంగ్రెస్ ఆరోపించిన నేపథ్యంలో రామ్మోహన్‌ నాయుడు ఈ వ్యాఖ్యలు చేశారు. "ప్రధానమంత్రి నరేంద్ర మోడీ ప్రారంభించిన భవనం మరొక వైపు ఉందని, ఇక్కడ కూలిపోయిన భవనం పాత భవనం, 2009 లో ప్రారంభించబడింది" అని స్పష్టం చేశారు. ప్రభావిత పైకప్పు నిర్మాణాన్ని జీఎంఆర్ ఎయిర్‌పోర్ట్స్ లిమిటెడ్ ప్రైవేట్ కాంట్రాక్టర్లకు అప్పగించిందని ప్రభుత్వ వర్గాలు తెలిపాయి.

Next Story