తొమ్మిదో తరగతి బాలికకు బలవంతంగా పెళ్లి.. అడ్డుకున్న తోటి విద్యార్థులు

అవసరమైనప్పుడు ఆదుకునే వాడే నిజమైన స్నేహితుడు. అందుకు నిదర్శనంగా నిలిచారు కొందరు విద్యార్థులు. మైనర్‌ బాలిక అయిన తోటి విద్యార్థిని పెళ్లిని, ఆమె సహా విద్యార్థులు అడ్డుకున్నారు. దీంతో పెళ్లి ఆగిపోయింది. ఈ ఘటన పశ్చిమ బెంగాల్‌లోని పశ్చిమ మిడ్నాపూర్‌ జిల్లాలో శనివారం నాడు చోటు చేసుకుంది. గోలార్‌లోని గోలార్ సుశీల హైస్కూల్‌లోని 9వ తరగతి విద్యార్థులు తమ క్లాస్‌మేట్ గత వారం రోజులుగా పాఠశాలకు వెళ్లడం రావడం లేదని గమనించారు. ఆమె వివాహం నిశ్చయించబడిందని తెలుసుకున్న వెంటనే, విద్యార్థులు ఆమె ఇంటికి చేరుకుని ఆమెను తిరిగి పాఠశాలకు పంపించాలని కోరారు. అయితే విద్యార్థుల ఇబ్బందిని పసిగట్టిన బాలిక కుటుంబ సభ్యులు ఆమెను వెనుక డోర్‌ గుండా కాబోయే వరుడి ఇంటికి రహస్యంగా తీసుకెళ్లారు.

ఈ విషయం తెలుసుకున్న విద్యార్థులు పెళ్లికొడుకు ఇంటికి వెళ్లి నిరవధిక నిరసనకు దిగుతామని బెదిరించారు. ఇబ్బందులను నివారించే ప్రయత్నంలో వరుడి కుటుంబీకులు ఆమెను ఆందోళన చేస్తున్న విద్యార్థులకు అప్పగించారు. వారు ఆమెను తిరిగి తమ పాఠశాలకు తీసుకెళ్లారు. పాఠశాల ప్రధానోపాధ్యాయుడు సురేష్ చంద్ర పాడియా విద్యార్థులను ప్రశంసించారు. వారి సంకల్పం కారణంగానే మైనర్‌ వివాహం ఆగిందని అన్నారు. పాఠశాల ఉన్న కేశ్‌పూర్ బ్లాక్ బ్లాక్ డెవలప్‌మెంట్ ఆఫీసర్ దీపక్ కుమార్ ఘోష్ మాట్లాడుతూ.. ఆమెకు 18 ఏళ్లు నిండకముందే ఆమెకు పెళ్లి చేయబోమని ఆమె కుటుంబం హామీ ఇచ్చిందని చెప్పారు. ఆర్థిక సమస్యల కారణంగా ఆమె కుటుంబం త్వరగా పెళ్లి చేయాలని నిర్ణయించుకున్నట్లు బాలిక పొరుగువారు తెలిపారు.