కూలిన ఆర్మీ హెలికాప్టర్.. పైలట్, కో-పైలట్‌కు గాయాలు
జమ్మూ కాశ్మీర్‌లోని కిష్త్వార్ జిల్లాలోని మార్వా తహసీల్‌లోని మచ్చ్నా గ్రామం సమీపంలో గురువారం ఆర్మీ ఛాపర్ కూలిపోయింది.
By అంజి Published on 4 May 2023 1:12 PM IST
కూలిన ఆర్మీ హెలికాప్టర్.. పైలట్, కో-పైలట్‌కు గాయాలు
జమ్మూ కాశ్మీర్‌లోని కిష్త్వార్ జిల్లాలోని మార్వా తహసీల్‌లోని మచ్చ్నా గ్రామం సమీపంలో గురువారం ఆర్మీ ఛాపర్ కూలిపోయింది. ప్రమాదం జరిగినప్పుడు హెలికాప్టర్‌లో ముగ్గురు వ్యక్తులు ఉన్నారు. ఆర్మీ అధికారుల ప్రకారం.. హెలికాప్టర్ ప్రమాదంలో పైలట్లకు గాయాలయ్యాయి. అయితే వారు సురక్షితంగా ఉన్నారు. పైలట్, కో-పైలట్ గాయపడిన స్థితిలో సురక్షితంగా బయటపడ్డారు. హిల్ జిల్లా మార్వా ప్రాంతంలో ఈ ప్రమాదం జరిగినట్లు అధికారులు తెలిపారు. మార్వా-దచాన్ గుండా ప్రవహించే మారుసుదార్ నదిలో హెలికాప్టర్ యొక్క అవశేషాలు కనుగొనబడ్డాయి.
"ఆర్మీ ఏఎల్‌హెచ్‌ ధ్రువ్ హెలికాప్టర్ జమ్మూ అండ్‌ కాశ్మీర్‌లోని కిష్త్వార్ సమీపంలో కుప్పకూలింది. పైలట్లకు గాయాలయ్యాయి, అయితే వారు సురక్షితంగా ఉన్నారు. మరిన్ని వివరాలు తెలియాల్సి ఉంది" అని ఆర్మీ అధికారులు తెలిపారు. మార్చిలో, అరుణాచల్ ప్రదేశ్‌లోని మండల కొండల ప్రాంతంలో ఇండియన్ ఆర్మీ ఏవియేషన్ చీతా హెలికాప్టర్ కూలిపోవడంతో ఇద్దరు పైలట్లు మరణించారు. ఇద్దరు పైలట్లు - లెఫ్టినెంట్ కల్నల్ వినయ్ బాను రెడ్డి మరియు మేజర్ జయంత ఎ - ప్రమాదంలో మరణించారు. గత రెండు నెలల్లో ఏఎల్‌హెచ్‌ ధ్రువ్‌కు సంబంధించిన మూడవ తీవ్రమైన సంఘటన ఇది.
