అమూల్‌ పాల ధర భారీగా పెంపు

నిత్యవసర సరుకుల ధరలు మండిపోతున్న వేళ.. పాల ధరలు మరింత భారం కానున్నాయి. గుజరాత్ డెయిరీ కో-ఆపరేటివ్ అమూల్ తాజా పాలపై లీటరుకు 3 రూపాయల వరకు పెంచుతున్నట్లు ప్రకటించింది. ఈ సవరణ తర్వాత అమూల్ గోల్డ్ ధర లీటరుకు రూ.66 మార్కెట్‌లో అందుబాటులో ఉంటుంది. అమూల్ తాజా లీటర్‌ పాలకు రూ.54, అమూల్ ఆవు పాలు లీటరుకు రూ.56, అమూల్ ఏ2 గేదె పాలు లీటరుకు రూ.70గా నిర్ణయించినట్లు అమూల్ గురువారం ఒక ప్రకటనలో తెలిపింది. గుజరాత్ కోఆపరేటివ్ మిల్క్ మార్కెటింగ్ ఫెడరేషన్ (GCMMF) తన పాల ఉత్పత్తులను అమూల్ బ్రాండ్‌తో మార్కెట్ చేస్తుంది.

చివరిసారిగా గతేడాది అక్టోబర్‌లో అమూల్‌ గోల్డ్, తాజా, శక్తి పాల బ్రాండ్‌ల ధరలను లీటరుకు 2 రూపాయలు పెంచింది. "అమూల్ పౌచ్ పాల ధర (అన్ని రకాలు) ఫిబ్రవరి 3 నుండి అమల్లోకి పెంచబడిందని మేము మీకు తెలియజేయాలనుకుంటున్నాము" అని మార్కెటింగ్ ఫెడరేషన్ ఒక ప్రకటనలో తెలిపింది. మొత్తం నిర్వహణ వ్యయం, పాల ఉత్పత్తి వ్యయం పెరగడం వల్ల ధరల పెంపు జరిగింది. కేవలం పశువుల దాణా ఖర్చు దాదాపు 20 శాతానికి పెరిగిందని అమూల్ పేర్కొంది.