బెలూన్లను కొనుక్కోడానికి పిల్లలు వెళ్లారు.. ఇంతలో..!

మధ్యప్రదేశ్‌లోని ఉజ్జయినిలో బెలూన్లు నింపేందుకు ఉపయోగించే సిలిండర్ పేలడంతో ముగ్గురు చిన్నారులతో సహా ఐదుగురు గాయపడ్డారు. ఒక బెలూన్ విక్రేత రద్దీగా ఉండే న్యూ ఇయర్ ఫెయిర్‌లో గాలి నింపుతుండగా ఈ ఘటన చోటు చేసుకుందని పోలీసులు తెలిపారు. బెలూన్లు కొనడానికి చాలా మంది పిల్లలు అతని చుట్టూ గుమిగూడారని పోలీసులు తెలిపారు. గాయపడిన వారిలో ఎనిమిదేళ్ల చిన్నారి పరిస్థితి విషమంగా మారింది. మెరుగైన చికిత్స కోసం ఇండోర్‌లోని ఆసుపత్రికి తరలించారు. మిగిలిన వారు స్థానిక ఆసుపత్రిలో చికిత్స పొందుతున్నారు. పేలుడు చాలా తీవ్రంగా ఉంది, అక్కడి సమీపంలో గోడలు కూడా దెబ్బతిన్నాయి.

సిలిండర్‌లో హైడ్రోజన్ గ్యాస్ తప్పుగా కలవడం వల్లే ప్రమాదం జరిగిందని స్థానిక అధికారి ప్రీతి గైక్వాడ్ తెలిపారు. పాడైన సిలిండర్‌ భాగాలను విచారణ నిమిత్తం ల్యాబొరేటరీకి పంపారు. "పేలుడు సంభవించినప్పుడు నేను నా దుకాణాన్ని ఏర్పాటు చేస్తున్నాను" అని బెలూన్ల విక్రేత అల్తాబ్ షా చెప్పాడు. అతను కూడా ఈ పేలుడు కారణంగా గాయపడ్డాడు. COVID-19 ముప్పు మధ్య స్థానిక రాజకీయ నాయకుడు ఈ ఈవెంట్ ను నిర్వహించాడనే ఆరోపణలు ఉన్నాయి.