ప్రయాణికులకు గుడ్‌న్యూస్‌.. గణేష్‌ ఉత్సవాలకు 342 ప్రత్యేక రైళ్లు

ముంబయి: వచ్చే నెలలో జరిగే గణేష్ ఉత్సవాల కోసం 342 ప్రత్యేక రైళ్లను నడపనున్నట్లు కేంద్ర రైల్వే మంత్రి అశ్విని వైష్ణవ్ గురువారం తెలిపారు. సెప్టెంబర్ 7 నుండి ప్రారంభమయ్యే పది రోజుల పండుగ సందర్భంగా ప్రతి సంవత్సరం ముంబై నుండి కొంకణ్‌లోని తమ స్వస్థలాలకు లక్షలాది మంది ప్రయాణిస్తారు. కొంకణ్-బౌండ్ గణపతి ప్రత్యేక రైళ్లకు డిమాండ్ చాలా ఉంది. అయితే భారతీయ రైల్వే 342 ప్రత్యేక రైళ్లను నడపాలని నిర్ణయించిందని కేంద్రమంత్రి తెలిపారు.

అటు.. రానున్న దసరా, దీపావళి, ఛత్ పండుగల నేపథ్యంలో వివిధ ప్రాంతాలకు 48 ప్రత్యేక రైళ్లను నడపనున్నట్లు దక్షిణ మధ్య రైల్వే (SCR) ప్రకటించింది. ఈ సర్వీసులలో, ఈ పండుగ సీజన్‌లో పెరిగిన ప్రయాణీకుల డిమాండ్‌కు అనుగుణంగా కాచిగూడ నుండి

- తిరుపతి రైలు (07653) అక్టోబర్ 10 నుండి నవంబర్ 11, 2023 వరకు నడుస్తుంది.

- తిరుపతి-కాచిగూడ (07654) అక్టోబర్ 11 మరియు నవంబర్ 15 మధ్య నడుస్తుంది

- సికింద్రాబాద్-నాగర్సోల్ (07517) అక్టోబర్ 9 మరియు నవంబర్ 6 మధ్య నడుస్తుంది.

- నాగర్‌సోల్ - సికింద్రాబాద్ (07518) సర్వీస్ అక్టోబర్ 10 - నవంబర్ 7 మధ్య నడుస్తుంది

- కాకినాడ టౌన్ - సికింద్రాబాద్ (07122) అక్టోబర్ 7 - నవంబర్ 4 మధ్య నడుస్తుంది

- సికింద్రాబాద్-కాకినాడ టౌన్ (07188) అక్టోబర్ 8 - నవంబర్ 5 మధ్య నడుస్తుంది.