నూత‌న‌ వధూవరులు.. ప్రాణ దాతలు అయ్యారు

రక్తదానం చేయండి.. ప్రాణ దాతలు అవండి.. ఇది ర‌క్త‌దానం ప‌ట్ల అవ‌గాహ‌న క‌లిగిండానికి మ‌నుగ‌డ‌లో ఉన్న నినాదం. చాలామంది ఈ పిలుపుకు క‌దిలి ర‌క్త‌దానాలు చేసిన‌వారు ఉన్నారు. ప్రాణ‌దాత‌లు అయ్యారు. అయితే.. ఓ యువతి ప్రాణాలు కాపాడటానికి కొత్తగా వివాహం చేసుకున్న జంట.. పెళ్లి రోజునే రక్తదానం చేసి ఆదర్శంగా నిలిచింది.

ఈ విషయాన్ని ఉత్తర్‌ప్రదేశ్‌ పోలీస్‌ ఆశీష్‌ మిశ్రా ట్విటర్ ద్వారా పంచుకున్నారు. ఈ జంటను ప్రశంసిస్తూ మిశ్రా నవదంపతుల ఫొటోను షేర్‌ చేశారు. ఈ ఫొటోలో వరుడు రక్తం దానం చేస్తుండగా అతని భార్య అతని పక్కన నిలబడి ఉంది. దీనికి సంబంధించిన ఫొటో సోషల్‌మీడియాలో వైరల్‌గా మారింది.

ఓ యువతి ప్రాణాపాయస్థితిలో ఉండగా ఆమెకు రక్తదానం చేయడానికి ఎవరూ ముందుకు రాలేదు. ఈ విషయం తెలియగానే కొత్త దంపతులు పెళ్లి దుస్తుల్లోనే ఆస్పత్రికి వచ్చి సహాయం చేశారు. ఆపదలో ఉన్న యువతి కోసం రక్తదానం చేసి మానవత్వం చాటుకున్న వధూవరులను నెటిజన్లు ప్రశంసిస్తున్నారు.