బెర్రీ పండ్లతో లభించే ఆరోగ్య ప్రయోజనాలివే.!

వేసవి తాపాన్ని తీర్చి మన శరీరాన్ని కాపాడే పండ్లలో బెర్రీ ఒకటి. ముఖ్యంగా రోగ నిరోధక శక్తిని పెంచడంలో దీని పాత్ర చాలా కీలకం. పలు రంగుల్లో లభించే ఈ బెర్రీ పండ్లతో పలు ఆరోగ్య ప్రయోజనాలున్నాయి. అవేమిటో ఇప్పుడు తెలుసుకుందాం..

బ్లాక్‌ బెర్రీ - కంటి చూపును, చర్మ ఆరోగ్యాన్ని కాపాడుతుంది. ఎముకల్ని బలోపేతం చేసి పేగులను శుద్ధి చేస్తుంది. రక్తనాళాల్లోని అడ్డంకులను తొలగిస్తుంది. కేన్సర్‌, మధుమేహాలను నివారించడమే గాక నెలసరిని క్రమబద్ధం చేస్తుంది.

క్రాన్‌ బెర్రీ - మెదడు పనితీరును, కంటి చూపును, గుండె ఆరోగ్యాన్ని మెరుగుపరుస్తుంది. మధుమేహాన్ని, కేన్సర్‌ ముప్పును తగ్గిస్తుంది. జీర్ణక్రియకు మేలు చేస్తుంది. శరీరంలోని వ్యర్థాలను తొలగిస్తుంది.

బ్లూ బెర్రీ - రక్త ప్రసరణను, రోగ నిరోధక శక్తిని మెరుగుపరుస్తుంది. యాంటీ ఏజింగ్‌ ఏజెంట్‌గా పని చేస్తుంది. మూత్రనాళ సమస్యలను, కేన్సర్‌ ముప్పును తగ్గిస్తుంది. కంటి చూపును మెరుగుపరుస్తుంది. వాపుల్ని, గాయాల్ని మాన్పుతుంది.

వైల్డ్ బ్లూ బెర్రీ - మెదడు ఆరోగ్యాన్ని కాపాడుతుంది. జీవక్రియలను వేగవంతం చేస్తుంది. అల్జీమర్స్‌, కేన్సర్‌, రక్తనాళ సమస్యలను, మధుమేహపు ముప్పును తగ్గిస్తుంది. మూత్రనాళ ఆరోగ్యాన్ని మెరుగుపరుస్తుంది.

స్ట్రాబెర్రీ - ఇమ్యూనిటీని పెంచి గుండె జబ్బుల ముప్పును తగ్గిస్తుంది. కేన్సర్‌, షుగర్‌ వ్యాధులకు చెక్‌ పెడుతుంది. చర్మానికి నిగారింపునిస్తుంది. జ్ఞాపకశక్తిని పెంచటమే గాక బరువును తగ్గిస్తుంది.