కృష్ణాజిల్లాలో రెండు కరోనా అనుమానిత కేసులు
  • నూజివీడులో ఒకరు, గన్నవరంలో మరొకరు
  • విజయనగరంలో కరోనా లక్షణాలు లేకపోయినా చికిత్స
  • జర్మనీ, ఢిల్లీ, సింగపూర్ ల నుంచి వచ్చిన అనుమానితులు

కృష్ణాజిల్లాలో రెండు కరోనా అనుమానిత కేసులు నమోదయ్యాయి. ఇటీవలే జర్మనీ నుంచి వచ్చిన వ్యక్తి దగ్గు, జలుబు, జ్వరం..ఇలా కరోనా లక్షణాలతో బాధపడుతుండటంతో..ఆ వ్యక్తికి వైద్య పరీక్షలు నిర్వహించారు. అనుమానిత వ్యక్తికి కరోనా లక్షణాలుండటంతో..అతడిని విజయవాడలోని ఓ ఆస్పత్రిలో ఐసోలేషన్ వార్డులో ఉంచారు. జర్మనీ నుంచి వచ్చిన ఆ వ్యక్తి..గురువారం ఢిల్లీ మీదుగా గన్నవరం చేరుకున్నాడు. అక్కడ ఎయిర్ పోర్టులో అధికారులు పరీక్షించగా కరోనా లక్షణాలున్నట్లు స్పష్టమవ్వడంతో..అనుమానిత కేసుగా భావించారు.

Also Read : ఒలింపిక్స్ వాయిదా ?

అలాగే నూజివీడులోని ఓ వ్యక్తికి కరోనా లక్షణాలుండటంతో..అతడు ఆస్పత్రిలో చేరి చికిత్స పొందుతున్నారు. ఢిల్లీ నుంచి వచ్చి విస్సన్నపేటలో వస్ర్త వ్యాపారం చేస్తున్న ఆ వ్యక్తికి మెరుగైన వైద్యం అందించేందుకు వైద్యులు విజయవాడకు తరలించారు.

Also Read : మంచు కాదు.. ఇనుప వాన

కాగా..కరోనా మహమ్మారి ప్రాణాంతకమైన వైరస్ అని ప్రపంచ ఆరోగ్య సంస్థ ప్రకటించిన నేపథ్యంలో..విజయనగరం జిల్లా బొబ్బిలి మండలం కోమటిపల్లికి చెందిన ఓ యువకుడికి కరోనా లక్షణాలు లేకపోయినప్పటికీ వైద్యులు పరీక్షలు నిర్వహించారు. ఇటీవలే ఆ యువకుడు సింగపూర్ నుంచి స్వస్థలానికి రావడంతో..వ్యాధి లక్షణాలు లేకపోయినప్పటికీ..24 రోజుల పాటు వైద్యుల పర్యవేక్షణలోనే ఉండాలని డాక్టర్లు సూచించారు.

Also Read : పర్యాటకులపై నిషేధం విధించిన ట్రంప్‌

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.

Leave a Reply

Your email address will not be published. Required fields are marked *