రైల్వేలో 6,180 పోస్టులు.. దరఖాస్తుకు నేడు ఒక్క రోజే ఛాన్స్‌

దేశంలోని 17 రైల్వే జోన్లు, వివిధ ఉత్పత్తి యూనిట్లలో సిగ్నల్‌, టెలికమ్యూనికేషన్‌ విభాగం సహా 51 కేటగిరీల్లో 6,180 టెక్నీషియన్‌ పోస్టులకు దరఖాస్తు చేయడానికి ఇవాళ ఒక్క రోజే (జులై 28) సమయం ఉంది. గ్రేడ్‌-1 180 టెక్నీషియన్‌ పోస్టులు, గ్రేడ్‌ - 3 కింద 6000 టెక్నీషియన్‌ పోస్టులు ఉన్నాయి. గ్రేడ్‌-1 పోస్టులకు ఇంజినీరింగ్‌ డిగ్రీ, బీఎస్సీ డిగ్రీ (ఫిజిక్స్‌, ఎలక్ట్రానిక్స్‌, కంప్యూటర్‌ సైన్స్‌, ఐటీ చదివి ఉండాలి). గ్రేడ్‌ -3 పోస్టులుక ఎస్‌ఎస్‌సీ, ఐటీఐ పూర్తి చేసి ఉండాలి.

అభ్యర్థుల వయసు గ్రేడ్‌ 1 పోస్టులకు 18 నుంచి 33 ఏళ్ల మధ్య, గ్రేడ్‌ 3 పోస్టులకు 18 నుంచి 30 ఏళ్ల మధ్య ఉండాలి. రిజర్వేషన్‌ గల అభ్యర్థులకు వయోపరిమితిలో సడలింపు కలదు. అభ్యర్థులను కంప్యూటర్‌ ఆధారిత పరీక్ష, డాక్యుమెంట్‌ వెరిఫికేషన్‌, వైద్య పరీక్షల ఆధారంగా ఎంపిక చేయనున్నారు. గ్రేడ్‌-1 పోస్టులకు నెలకు రూ.29,200, గ్రేడ్‌-3 పోస్టులకు రూ.19,900 వేతనం అందుతుంది. దరఖాస్తు ఫీజు రూ.500, ఎస్సీ, ఎస్టీ, దివ్యాంగులు, మహిళలు, ఈబీసీలు రూ.250 చెల్లించాల్సి ఉంటుంది.