10వేల‌కు పైగా బ్యాంకు ఉద్యోగాలకు నోటిఫికేషన్
IBPS released notification with over 10000 posts.బ్యాంకు ఉద్యోగం కావాల‌నుకుంటున్నారా..? అయితే
By తోట వంశీ కుమార్‌ Published on 8 Jun 2021 7:46 AM GMT
బ్యాంకు ఉద్యోగం కావాల‌నుకుంటున్నారా..? అయితే ఇది మీకోస‌మే. దేశవ్యాప్తంగా ఉన్న రీజినల్‌ రూరల్ బ్యాంకుల్లో (ఆర్‌ఆర్‌బీ) 10,000 పైగా ఖాళీగా ఉన్న పోస్టుల భర్తీకి ఐబీపీఎస్‌ నోటిఫికేషన్ విడుదల చేసింది. రీజనల్ రూరల్ బ్యాంకుల్లో ఆఫీసర్ స్కేల్ 1 (ప్రొబెషనరీ ఆఫీసర్), మల్టీపర్పస్ (క్లర్క్), ఆఫీసర్ స్కేల్ 2, ఆఫీసర్ స్కేల్ 3 పోస్టుల్ని భర్తీ చేస్తోంది. ఆఫీస్‌ అసిస్టెంట్‌ (మల్టీపర్పస్) 5076, ఆఫీసర్ స్కేల్-1 (అసిస్టెంట్‌ మేనేజర్‌) 4206, ఆఫీసర్ స్కేల్-2 (మేనేజర్‌, ఐటీ ఆఫీసర్, సీఏ) 1060, ఆఫీసర్ స్కేల్-3 పోస్టులు 156 చొప్పున ఉన్నాయి. ఆంధ్రప్రదేశ్‌లోని ఆంధ్రప్రగతి గ్రామీణ బ్యాంక్, చైతన్య గోదావరి గ్రామీణ బ్యాంక్, తెలంగాణలోని ఆంధ్రప్రదేశ్ గ్రామీణ వికాస్ బ్యాంక్, తెలంగాణ గ్రామీణ బ్యాంకులో కూడా ఖాళీలు ఉన్నాయి. ఆసక్తి కలిగినవారు ఈనెల 28లోగా దరఖాస్తు చేసుకోవాలని సూచించింది. ఈ నోటిఫికేషన్‌కు సంబంధించిన పూర్తి వివరాలను https://www.ibps.in/ వెబ్‌సైట్‌లో చూడొచ్చు
దరఖాస్తు విధానం: ఆన్‌లైన్‌ ద్వారా
పరీక్ష ఫీజు: రూ.850, ఎస్సీ, ఎస్టీ, పీడబ్ల్యూడీ అభ్యర్థులకు రూ.175
దరఖాస్తులు ప్రారంభం: జూన్‌ 8
దరఖాస్తులకు చివరితేదీ: జూన్‌ 28
అడ్మిట్‌ కార్డు: జూలై లేదా ఆగస్టులో
ప్రిలిమ్స్‌ ఎగ్జామ్‌: ఆగస్టు 1 నుంచి 21 మధ్య
ఫలితాలు: సెప్టెంబర్‌లో
స్కేల్ 2, 3 రాతపరీక్ష: సెప్టెంబర్‌ 25
పీఓ మెయిన్స్‌ ఎగ్జామ్‌: సెప్టెంబర్‌ 25
క్లర్క్ మెయిన్స్‌ ఎగ్జామ్‌: అక్టోబర్‌ 3
ఆఫీసర్ స్కేల్-2, 3 ఇంటర్వ్యూ: అక్టోబర్‌ లేదా నవంబర్‌లో
ప్రొవిజనల్ అలాట్‌మెంట్ : 2022 జనవరి
