పోస్టల్‌ శాఖలో 44,228 పోస్టులు.. అభ్యర్థుల షార్ట్‌లిస్ట్‌ ఇదే

పోస్టల్‌ శాఖ నిరుద్యోగులకు గుడ్‌న్యూస్‌ చెప్పింది. దేశవ్యాప్తంగా వివిధ పోస్టల్ సర్కిళ్లలోని బ్రాంచ్‌ పోస్ట్ ఆఫీసుల్లో 44,228 గ్రామీణ డాక్ సేవక్ పోస్టులకు నోటిఫికేషన్‌ విడుదల చేసిన విషయం తెలిసిందే. తాజాగా ఈ పోస్టులకు దరఖాస్తు చేసి ఫలితాల కోసం ఎదురుచూస్తోన్న అభ్యర్థులకు గుడ్‌న్యూస్‌ చెప్పింది. ఈ పోస్టులకు దరఖాస్తు చేసుకున్న వారిని మెరిట్ ఆధారంగా షార్ట్ లిస్ట్ చేసింది. ఈ క్రమంలోనే ఉద్యోగాలకు ఎంపికైన అభ్యర్థుల జాబితాను సోమవారం నాడు విడుదల చేసింది. పదో తరగతి అర్హత ఆధారంగా ఎంపిక చేసే ఈ ఉద్యోగాల్లో ఆంధ్రప్రదేశ్ 1,355 పోస్టులు ఉండగా, తెలంగాణలో 981 చొప్పున పోస్టులు ఉన్నాయి.

ఈ పోస్టుల కోసం జులై 15 నుంచి దరఖాస్తులు తీసుకున్నారు. తాజాగా విడుదల చేసిన తొలి లిస్ట్‌లో ఏపీ నుంచి 1355 మంది, తెలంగాణ నుంచి 981 మంది షార్ట్‌ లిస్ట్‌ అయ్యారు. ఎంపికైన అభ్యర్థుల లిస్ట్‌ను https://indiapostgdsonline.gov.in/లో అందుబాటులో ఉంచారు. కంప్యూటర్ జనరేటెడ్‌ పద్ధతిలో మార్కుల ప్రాధాన్యం, రూల్ ఆఫ్ రిజర్వేషన్ అనుసరించి షార్ట్‌లిస్ట్‌ ప్రక్రియను చేపట్టారు. షార్ట్‌లిస్ట్‌ అయిన అభ్యర్థులు సెప్టెంబర్‌ 3 లోగా సర్టిఫికెట్ల పరిశీలనకు హాజరుకావాల్సి ఉంటుంది. పోస్టులకు ఎంపికైన అభ్యర్థులు బ్రాంచ్ పోస్ట్ మాస్టర్, అసిస్టెంట్ పోస్ట్ మాస్టర్‌గా సేవలు అందిస్తారు.