జార్ఖండ్‌ అసెంబ్లీకి ఈ రోజు తుది దశ ఎన్నికలు జరుగుతున్నాయి.  మొత్తం 16 నియోజకవర్గాల్లో పోలింగ్‌ జరగనుంది. మొత్తం 40,05,287 మంది ఓటర్లు తమ ఓటు హక్కు వినియోగించుకుంటున్నారు. తుది దశ పోలింగ్‌ సందర్భంగా అన్ని నియోజకవర్గాల్లో ఉదయం 7 గంటల నుంచే ప్రారంభమై మధ్యాహ్నం 3గంటలకు ముగియనుంది. పోలింగ్‌ సందర్భంగా ఎలాంటి ఆవాంఛనీయ సంఘటనలు జరగకుండా భారీ బందోబస్తు ఏర్పాటు చేశారు. కాగా, జర్ఖండ్‌ మాజీ సీఎం జేఎంఎం ప్రముఖ నేత హేమంత్‌ సోరెన్‌, మరో ఇద్దరు రాష్ట్ర మంత్రులు ఈ ఎన్నికల్లో తమ అదృష్టాన్ని పరీక్షించుకోనున్నారు. జార్ఖండ్‌లో మొత్తం 81 అసెంబ్లీ స్థానాలకు ఐదు విడుదలుగా ఎన్నికలు నిర్వహిస్తున్నారు. నవంబర్‌ 30 నుంచి డిసెంబర్‌ 16 వరకు నాలుగు విడుదలుగా పోలింగ్‌ జరుగగా, ఈ రోజు తుది విడుదల పోలింగ్‌ కొనసాగుతోంది. ఫలితాలు ఈనెల 23న వెలువడనున్నాయి. ఇక చివరి దిశ పోలింగ్‌ ఉండటంతో , ఫలితాల సమయం దగ్గరపడుతుండటంతో నాయకుల్లో టెన్షన్‌ మొదలైంది.

 

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.