Interview: 'రాజమహేంద్రవరం వైభవాన్ని పునరుద్ధరిస్తా'.. లక్ష్యాలను వివరించిన వైసీపీ ఎమ్మెల్యే అభ్యర్థి భరత్‌

రాజమహేంద్రవరం: రాబోయే ఏపీ రాష్ట్ర అసెంబ్లీ ఎన్నికల్లో రాజమహేంద్రవరం నియోజకవర్గం నుంచి ప్రస్తుత వైఎస్ఆర్ కాంగ్రెస్ పార్టీ (వైఎస్ఆర్సీపీ) ఎంపీ మార్గాని భరత్ ఎమ్మెల్యే అభ్యర్థిగా బరిలోకి దిగారు.

న్యూస్‌మీటర్‌కి ఇచ్చిన ఫ్రీ-వీలింగ్ ఇంటర్వ్యూలో మార్గాని భరత్.. నియోజకవర్గ అభివృద్ధికి తన లక్ష్యాలను వివరించారు. ఇందులో మోరంపూడి జంక్షన్ దగ్గర ఫ్లైఓవర్ నిర్మాణం, సిటీ రైల్వే స్టేషన్‌ను సుందరీకరించడం, రాజమండ్రి విమానాశ్రయం వంటి ప్రాజెక్టులు ఉన్నాయి. ఇటీవల లబ్ధిదారులకు 25,000 ఇళ్ల పట్టాలను పంపిణీ చేయడం వివాదాస్పదమైంది. రాజకీయాల్లోకి రాకముందు భరత్ 2017లో తెలుగులో 'ఓయ్‌ నిన్నే' చిత్రంలో నటించారు.

2019 లోక్‌సభ ఎన్నికల్లో రాజమహేంద్రవరం నుంచి పోటీ చేసిన భరత్‌ 1.21 లక్షల ఓట్ల మెజారిటీతో టీడీపీ అభ్యర్థి మాగంటి రూపపై విజయం సాధించి ఎంపీ అయ్యారు. నటుడి నుంచి రాజకీయ నాయకుడిగా మారిన భరత్‌ న్యూస్‌మీటర్‌తో మాట్లాడుతూ.. రాజమహేంద్రవరం నగరాన్ని అన్ని రంగాల్లో అభివృద్ధి చేయడానికి తన లక్ష్య నిర్దేశాలను పంచుకున్నారు.

ఇంటర్వ్యూ

ప్ర: మీరు ఎంపీగా కాకుండా రాజమహేంద్రవరం నుంచి ఎమ్మెల్యేగా పోటీ చేయడానికి కారణం ఏమైనా ఉందా?

భారత్ : దశాబ్దాలు గడిచినా రాజమహేంద్రవరం ఇతర కాస్మోపాలిటన్ నగరాలతో పోలిస్తే అభివృద్ధి చెందలేదని స్పష్టమవుతోంది. ఈ నగరం చాలా వారసత్వాన్ని కలిగి ఉంది. రెండు తెలుగు మాట్లాడే రాష్ట్రాలకు సాంస్కృతిక రాజధానిగా పరిగణించబడుతుంది. అయితే గత మూడు దశాబ్దాలుగా ప్రజాప్రతినిధులు ఏం చేశారో అర్థం కాని పరిస్థితి ఉంది.

నేను ఎంపీగా కాకుండా ఎమ్మెల్యేగా ఎందుకు పోటీ చేస్తున్నాను అనే దానికి ఇది కనెక్ట్ అవుతుంది. 2019 నుంచి ఎంపీ మురళీమోహన్ (2014-19), ఎమ్మెల్యే ఆదిరెడ్డి భవాని హయాంలో ఎలాంటి అభివృద్ధి జరగలేదు. వారు ఒక్క అభివృద్ధి కార్యక్రమాన్ని కూడా ప్రారంభించలేదు. అందుకే నాయకత్వ బాధ్యతలు చేపట్టాలని నిర్ణయించుకున్నాను.

వాళ్లు నాపై అవినీతి ఆరోపణలు చేస్తున్నప్పటికీ.. నిరూపించాలని బహిరంగంగానే సవాల్ విసురుతున్నాను. ఆరోపణలు నిజమైతే రాజమండ్రి వదిలి వెళ్లేందుకు సిద్ధంగా ఉన్నాను. అలాగే రాజకీయాల నుంచి తప్పుకుంటాను.

ప్ర: రాజమహేంద్రవరం ప్రజలు ఎదుర్కొంటున్న సమస్యలేమిటి? ఎమ్మెల్యేగా నగరాన్ని అభివృద్ధి చేయాలనే మీ విజన్ ఏమిటి?

భరత్: చాలా సమస్యలు ఉన్నాయి. రాజమహేంద్రవరాన్ని పట్టణం, నగరం అని కాకుండా పెద్ద గ్రామం అంటారు. ఇది గొప్ప నగరం యొక్క లక్షణాలను, చాలా వారసత్వాన్ని కలిగి ఉంది. దాదాపు 1,000 సంవత్సరాల క్రితం, గొప్ప రాజ రాజ నరేంద్రుడు రాజమహేంద్రవరం నగరాన్ని పాలించాడు, కానీ అదే వైభవం కొనసాగలేదు. ఈ ప్రాంతానికి తిరిగి ఆ వైభవాన్ని తీసుకువస్తానని ప్రజలకు హామీ ఇస్తున్నాను.

ప్ర: రాజమహేంద్రవరంలో ఎంపీగా మీరు చేసిన అభివృద్ధి పనులను చెప్పగలరా?

భరత్: రాజమహేంద్రవరం ఎంపీగా నేను చేసిన పనుల్లో హైవేపై మోరంపూడి జంక్షన్ దగ్గర రూ.56.09 కోట్లతో 1.42 కి.మీ పొడవున ఫ్లైఓవర్ నిర్మాణానికి ప్రణాళిక ఉంది. దీంతో రాజమహేంద్రవరం నుంచి హుకుంపేట, బొమ్మూరు, పుణ్యక్షేత్రం, నామవరం, కేశవరం, గాదలమ్మ కూరగాయల మార్కెట్‌ వరకు ప్రజలకు ఎంతో మేలు జరుగుతుంది.

మరో ముఖ్యమైన అభివృద్ధి ప్రాజెక్ట్ కంబాల చెరువును పునరుద్ధరించడం, ఇది 10 ఎకరాలలో విస్తరించి ఉంది, ఇది నివాసితులకు విశ్రాంతి స్థలంగా పనిచేస్తుంది. రూ. 269 కోట్ల అంచనా వ్యయంతో రాజమహేంద్రవరం సిటీ రైల్వే స్టేషన్‌ సుందరీకరణ, పలు పబ్లిక్ పార్కుల వద్ద సుందరీకరణ పనులు చేశాం. అలాగే ఉప్పు సత్యాగ్రహం (దండి మార్చ్) గుర్తుగా 15 అడుగుల గాంధీ విగ్రహాన్ని కూడా ప్రారంభించాము.

ప్ర: రాజమహేంద్రవరంలో నిరుద్యోగ సమస్యను ఎలా పరిష్కరిస్తారు?

భారత్: నియోజకవర్గంలో దాదాపు 3.50 లక్షల మంది నివాసితులు ఉన్నారు. వారిలో 32 నుంచి 35 శాతం మంది యువత 18 నుంచి 35 ఏళ్ల మధ్య వయస్సు గలవారు. యువత పెద్ద సంఖ్యలో ఉండడంతో రాజమహేంద్రవరం శివారులో పేపర్ మిల్లులు, స్టీల్ ప్లాంట్లు వంటి పరిశ్రమల స్థాపనకు విస్తృత ఆస్కారం ఉంది. 80 శాతం స్థానిక యువతకు ఉపాధి అవకాశాలు కల్పించడమే లక్ష్యంగా ముఖ్యమంత్రి వైఎస్‌ జగన్‌మోహన్‌రెడ్డి ఇప్పటికే 'సన్‌ ఆఫ్‌ ది సాయిల్‌' నినాదంతో ముందుకు వచ్చారు.

ప్ర: ఎన్నికల్లో మీ ప్రత్యర్థులపై వ్యూహం ఏమిటి?

భరత్: ఆదిరెడ్డి వాసు నాకు ప్రత్యర్థి అని కూడా అనుకోను. రాజమహేంద్రవరంలో ఆయన కుటుంబం 16 ఏళ్లుగా అధికారంలో ఉన్నప్పటికీ ఈ ప్రాంతానికి ఏం చేశారో ఎవరికీ తెలియదన్నారు. రెండేళ్లలో నేను చేసిన అభివృద్ధిని ప్రదర్శించి, ప్రజలు నా పట్ల సంతోషంగా ఉంటే నాకే ఓటేస్తారనేది నా ప్రణాళిక.